Buku Ende HKBP

BE.:  NO.  001 s/d. 556

1.   RINGGAS MA HO TONDINGKU.

1.   Ringas ma ho tondingku Mamuji Debatanta i
Ai diparmudumudu Ho unang halupahon i
Disesa do dosamu Didaoni sahitmi

      Diudut do hosamu Diburi tondimi
Huhut diapul-apul Roham na marsak i

      Asa tung lam humibul Mingot uhumna i

2.   Na tolhas do tu hita Uhumna na sumurung i

      Dibaen holong rohana Di angka na porsea i
Ai ndada dilaluhon Tu hita rimas i

      Sai lam dipatuduhon DengganbasaNa i :
Ai songon hasundutan Dao sian purba i

      Holang dibaen Ibana Sude dosanta i

3.   Asi roha ni ama marnida anakkonna i

      Suman tusi Jahowa Marnida na porsea i
Diboto do mulanta Na sian tano i

      Tudoshon bungabunga Tudoshon bulung i

      Disi ro habahaba
Mamintor habang be Suman tusi do jolma, Sai mate do sude.

4.   Tung asi ni rohana Sambing do na manongtong i

      Saleleng ni lelengna Di tonga huriana i

      Di surgo habangsana Hinaliangan ni Sude parhaladona
Na sun badia i Na sai tongtong mamuji Pasangap Tuhan i
Ho pe tondingku puji Tongtong goarNa i.

2.  NAENG PUJIONKU HO JAHOWA.

1.   Naeng pujionku Ho Jahowa Ai Ho do Debata na tutu i
Sai suru Tondi Parbadia Tu au asa hupuji goarMi
Marhitehite Jesus AnakMi Asa lomo rohaM di endengki

2.   Togihon ma au tu AnakMu Asa tu Ho ditogu au muse

TondiM pasaorhon tu tondingku Manogu au di dalan na ture
Asa tongtong gok dame rohangki Huhut girgir mamuji goarMi.

3.   Asi rohaM ale Jahowa Pamalo au mamuji goarMi
Sai unang asal puas hata Ingkon tutu dipuji rohangki
Ho Ama, Anak dohot Tondi i Doshon na jongjong au di joloMi

3.  PUJI JAHOWA ALE TONDINGKU.

1.   Puji Jahowa ale tondingku Puji Ibana Debatami
Tagan so suda dope bohalhu Naeng pujionku basaNa i.
Sitompa daging tondi pe Ingkon dipuji sasude Haleluya, Haleluya

2.   Tubu ni jolma do nang na sangap Jala na mulak tu tano i
Tahitahina pe laho do monjap Molo dibondut tanoman i
Ndang jolma hasonanganki Debata do haposanki Haleluya, Haleluya

3.   Martua halak na niondingan Ni Debatanta Jahowa i
Angka na hot marhaporseaon Di Jesus Kristus Tuhanta i
Molo Debata donganmu Ndang adong hurang tuamu Haleluya, Haleluya.

4.  SAI PUJI DEBATA.

1.   Sai puji Debata Dibaen asi rohaNa
Huhut tongtong basa Di nasa tinompaNa
Ria ma hita be Mamuji Debata
Ai sesa do nuaeng Dosanta i dibaen

2.   Disuru Debata AnakNa Jesus Kristus
Jadi mansai arga do hita on ditobus
Diporsan Jesus i Dosanta sasude
Asa mudarNa i Paias hita be.

3.   Dibahen i tama Pujion ni rohanta
Tuhanta Debata Nang Jesus pe AnakNa
Nang pangondian i Naung ro tu hita on
Manggonti Jesus i Pujion do tongtong

5.  SAI TAPUJI MA JAHOWA.

1.   Sai tapuji ma Jahowa Debatanta na tutu
Tapatimbul ma Amanta Na bonar huhut burju
Binsan hosangki disi Pujionku Tuhanki

2.   Ndang haposan ni rohanta Dongan na di tano on
Ai jotjot do mubauba Tahi ni rohaninon
Dung i molo mate i Pesan ma tahina i

3.   Sai martua manang ise Siasahon Debata
Ai dison pe dohot muse Dipasonang Debata
Ala ni haposi ma holan Tuhan Debata

4.   Ai Ibana do Sitompa Langit dohot tano on
Ro di isi ni sudena Sasude portibi on
Debata haposan i Ai tongtong rohaNa i.

5.   Ai Ibana pasintongkon Uhum tu na pogos i
Hangoluan ditumpakkon Tu na haleonon i
Nang na hona hilang pe Dipalua do sude

6.   Sai Ibana patonggorhon Mata na mapitung i
Pangapulon pe dihorhon Di parroha na tungki
Sai diparhamaol tutu Nasa jolma na burju

7.   Sai Ibana mangondingi Na mabalu i sude
Sai Ibana mangurupi Na tading di lampin pe
Sogot uhumonna be Na tois roha i sude

8.   Debatanta do rajanta Salelenglelengna i

      Ala ni las ma rohanta Hita na porsea i
Taendehon Debata Rap mandok Haleluya.

6.  PUJI JAHOWA NA SANGAP.

1.   Puji Jahowa na sangap huhut marmulia
Hamu sude na parroha na ringgas na ria
Marpungu be, marolopolop sude, Hamu sude manisia

2.   Puji Jahowa Sigomgom sude parluhutan
Na manogihon ho songon niiring ni tangan
Dohot hosam Songon hombar tu roham Sai diramoti Ibana

3.   Puji Jahowa naung tipak manompa dagingmu
Jala na tongtong manumpak hisar pamatangmu Jotjot do ro
Pangurupina tu ho Uju na ro hagogotan

4.   Puji Jahowa situmpak sude ulaonmu
Ai ditumpakhon tu ho tongtong hangoluanmu
Ingot ma i, denggan basaNa do i, Tomutomuna sambing do

5.   Puji Jahowa tondingku pasangap goarNa
Dohot sude na marhosa mamuji Ibana
I do ture Baenon ni hita sude Sai taendehon ma amen.

7.  PUJI HAMU MA ASI NI ROHA.

1.   Puji hamu ma asi ni roha ni Tuhan Jahowa di halak Kristen i
Ai naung diontang sude jolma Tu hangoluan na sora suda

2.   Tuhan Jahowa panggomgom di sude Nasa parhosa manomba Raja i
Marloksaloksa suruanNa Mamujimuji tongtong goarNa

3.   Hamu parbegu unang ma tundal be Tu Tuhan Jesus ro ma hamu sude
Ai naung ditongos do hatana Dosa sudena naeng sesaonNa.

4.   Dohot do bohal dilehon Debata Ndang marna hurang tuk songon na tama
Udan pe dohot las ni ari Nasa parguna do dipasari

5.   I pe sai puji dengganbasaNa i asa lam ganda hasangaponNa i
Tongtong do hita ramotanNa On pe tapuji basaNa.

8.  JAHOWA, JAHOWA.

1.   Jahowa, Jahowa, Jahowa Di goarMu ma hasangapon i,Amen, Amen
Pujionnami do tongtong GoarMi di joroMon
Sai naeng dohononku Badia, badia do goarMu Haleuya, Haleluya

2.   O Jesus, o Jesus, o Jesus GoarMi do Dipuji hami on Amen, amen
Ho do disuru Ama i Na marholong roha i Asa saut malua
Ma hami sian saluhut jea Pijuni Ho, Pinuji Ho.

3.   O Tondi , o Tondi, o Tondi Parbadia Pinuji dohot Ho Amen, amen
Na sintong nang na tiur pe Nang na denggan sasude
Ho do manuanhon Tu roha ni sude hajolmaon Haleluya, Haleluya

9.  HUPUJI HOLONG NI.

1.   Hupuji holong ni rohaMu O Tuhan Jesus Rajangki

Tu Ho hulehon ma tondingku Ai i do pinangidoMi
Huhalupahon ma diringku Mamingkir holong ni rohaMu

2.   Sai dilului Ho do ahu Au pe huhalungunhon Ho
Ditaiti rohaMi rohangku Dibahen i hulehon do
Dipillit Ho hian tondingku I pe hutodo Ho Tuhanku

3.   Huhilala ingkon martuhan Ingkon mangolu au di Ho
Ndang jumpang au be hangoluan Aut unang dipatupa Ho
Sai Ho do paradiananku Sai gok di Ho nama langkangku

4.   Di Ho saleleng ni lelengna Au on, o Jesus Tuhanki
Ho ma nampuna sasudena Gogongku ro di artangki
Ai naung dilehon Ho mudarMu Manggarar utang ni dosangku.

5.   Ai nunga tung diparhatoban Sibolis dohot dosa au
Tuani ma Ho ro o Tuhan Mamorsan uhum na tu au
Ditaoni Ho do hamatean Mambaen di ahu hangoluan.

6.   O Jesus uhir ma goarMu Torang bagas tu rohangkon
Asa tarsurat di jolongku Holong ni rohaMi tongtong
Hatangku ro di parangengku Ingkon dipuji do goarMu

10.  HUPUJI HUPASANGAP HO.

1.   Hupuji hupasangap Ho Amang pardenggan basa
Ai jadijadianMu do sude angka na masa
Ditompa Ho do sasude Dagingku ro di tondi pe Pinuji ma goarMu

2.   Saluhut na tinompaMi Naeng sonang di rohaMu
Arian dohot borngin pe Disarihon rohaMu
Nang uhum di gomgomanMi Na tigor na sintong do i Pinuji ma goarMu

3.   Ndang dung tartading bangsoMi Naung pinillitMu jolo
Sai Ho do haporusan ni Sude na ro na olo
Ditogu Ho do sasude Asa tu hangoluan be Pinuji ma goarMu

4.   Tongtong pasangaponku Ho Saleleng au mangolu
Paratarataonku do Barita ni goarMu
Pamatang dohot tondingki Ingkon mamuji sangapMi Pinuji ma goarMu

5.   Antong ro ma hamu sude Saluhut na porsea
Marolopolop hita be Mamuji Debatanta
Na sun denggan do sasude Binaen ni Debatanta i Pinuji ma goarNa

11.   AHA MA ENDEHONONKU.

1.   Aha ma endehonongku, asa pujionku Ho.
Ale Tuhan Debatangku, sai urupi au gogo.
Ai ndang tarpajojor ahu, asi ni rohaM di ahu.
Ala ni hupuji Ho tung marribu hali do.

2.   Sai sungguli ma rohangku, mangendehon gogoMi.
Dohot asi ni rohaMu, ro di habasaronMi.
Ai i do dihatindangkon Tondi dohot pamatangku.
Ala ni hupuji Ho tung marribu hali do.

3.   Ia godang ni dosangku dipingkiri rohangki.
Longang situtu rohangku, manimbangi lambas ni.
RohaMi ale Tuhanku, mida pangalaosingku.
Ala ni hupuji Ho tung marribu hali do.

4.   Haholongon, habasaron Hata hangoluan i.
Dohot angka haporsuhon, I do parhiteanMi.
Manogihon au anakMu, masuk tu harajaonMu.
Ala ni hupuji Ho tung marribu hali do.

5.   Sai patogu ma rohangku Pasangaphon goarMi,
Dohot haporseaonku, asa tu gandana i.
Sai pamasuk ale Tuhan, tondingki tu hangoluan.
Mangendehon sangapMi salelenglelengna i.

12.  DIPUJI ROHANGKON DO HO.

1.   Dipuji rohangkon do Ho Jahowa, Tuhanki
Huhut hubaritahon do Sude pambaenanMi

2.   Huboto Ho do mual ni Na denggan sasude
Dilehon Ho do sian i Godang di hami be.

3.   Ai aha ma adong hian di hami na lea?
Sude dilehon Ho nian O Tuhan Debata

4.   Ai Ho do na margogo i Sitompa sasude
Ho do na pangoluhon i Nang marmuduhon pe.

5.   Di langit ni langitan i na hembang songon haen
Marriburibu bintang i Tung ise do mamabaen ?

6.   Tung ise do na basa i Manatap hita be
Na pabornokkon hauma i Parngolu di sude ?

7.   Gok eme angka sopo i Tung ise do mala
Nang sasude bohalta i Nda Tuhan Debata ?

8.   I ma tutu, o Debata Dilehon Ho sude
Ai Ho do na tongtong basa Manumpak jolma i.

9.   Dipinsang Ho pe hami on Dibahen dosa i
Sai dipalambas Ho tongtong Roham na denggan i

10.           Ai molo marsak rohangki Dibahen dosa i
Mura do mulak rohaMi Manesa salangki

11.           Diapul Ho do sasude Na marsak roha i
Diduduk Ho iluna i Tu parningotanMi

12.           Sai disarihon Ho sude Di hasiangan on
Tu daging nang tu tondi pe Panongos Ho tongtong

13.           Antong boasa ma tungki Ho ale tondingki ?
Haposi ma Debatami Sitompa sasude

14.           Ndang dung marsala Debata Tu ginomgomNa i
Ai manang dia pe dibaen Denggan ujungna i.

15.           Antong pasombu Debatam Mambaen ture langkam
Asa tongtong sonang rohaM Timbul dohot tuam.

13.  NDA TAMA ENDEHONONKU.

1.   Nda tama endehononku Goar ni Debatangki ? Nda tama halashononku Denggan ni basaNa i ?
Ai sun holong ni rohaNa Mida au pardosa on

Diramoti do tongtong Naposona Saluhutna
Holong ni rohana i Nda tung hasuhatan i.

2.   Songon pidong rajauali Manjagai anakna i

Songon i do dipabali Debatangku jea i
Sian au niramotanna Olat ni na tubu au

Sai diiringiring au Masuk tu harajaonNa
Holong ni rohaNa i Nda tung hasuhatan i

3.   Nang AnakNa sasadasa Diseahon Debata

Pangoluhon au pardosa Uju i di Golgata
Mago au dibaen dosangku Jadi ro AnakNa i

Manggarari utangki Lao mambaen haluaonku
Holong ni rohaNa i Nda tung hasuhatan i.

4.   Dohot Tondi Parbadia Do disuru Amangki

Asa dohot au badia Jala tau tu surgo i
Naeng gohanna do rohangku asa sai tongtong torang

Sai gok dame nang sonang
Mandalani dalananku Holong ni rohana i

Nda tung hasuhatan i

5.   Dohot haporseaonku Dilopokkon Tuhanki

Tu bagasan ni rohangku
Patiurhon dalanki asa sahat musengani Au tu hangoluan i
Na rade di surgo i Di sude namanjalahi

Holong ni rohaNa i Nda tung hasuhatan i.

6.   Songon i do panarihon Ni Debatangki di au

Tuhanki do sumarihon
Nasa na ringkot di au Tondi dohot pamatangku

Dipangolu Tuhanki
Na marasi roha i Diramoti do hosangku

Holong ni rohaNa i Nda tung hasuhatan i

7.   Molo masa pangunjunan Dipasonggop setan i

Debata do pangondingan
Di au on anakNa i Ai didokkon Debatangku

SurusuanNa i Manamparhon jea i
Asa dao hamagoanku Holong ni rohaNa i

Nda tung hasuhatan i

8.   Ganup ari do disesa Debatangku dosangki

Ndang hea gotos rohaNa
Maniopi rimas i Nang pe ingkon pinsangonNa

Au dibahen dosangki
Ndang maposihu disi Uhum na nidabuhonNa

Holong ni rohaNa i Nda tung hasuhatan i

9.   Ala na so hasuhatan Holong ni rohaM

Amang Tatap ma au on pasidung
Nasa sangkap i rohaM Di naposoMon Tuhanku

Pargogoi ma au tongtong
Mangoloi di tano on Nasa na pinatikkonMu

Paima Ho pujionki Salelenglelengna i.

14.  PUJI HAMU JAHOWA TUTU.

1.   Puji hamu Jahowa tutu,
Pardengganbasa, parasiroha salelengna i.
Pardengganbasa i, parasiroha i.

2.   Ingot tongtong, ale tondingkon,
Sude na denggan na dipasonggop Debata tu ho.
Denggan basaNa do na pangoluhon ho.

3.   Nda tung adong, pargogo tongon,
Na martudosan, tu Tuhan Debata di surgo i.
Sun hinagogo, sun hinagogo i.

4.   Songkal tongtong, Jahowa tongon,
Na marmulia, di sasude na tinompaNa i.
Hamuliaon ma, di Tuhan Debata.

5.   Somba hamu, Jahowa burju,
Marhapantunon, ma hita di Tuhanta Debata.
Burju tasomba ma, Tuhanta Debata

6.   Sai burju be marende sude,
Mamujimuji, Tuhanta Debata Jahowa i.
Parasiroha i, na marmulia i.

15. AUT NA SARIBU HALI GANDA.

1.   Aut na saribu hali ganda saringar ni soarangki
Naeng nasa gogo bahenonku mamuji Debatantai
Paboa las ni rohangki hinorhon ni pambaenna i

2.   Tung sura sahat soarangku tu ujung ni portibion
Naeng nasa jolma haraonku mamuji Debata tongtong
Tama do nasa hosangki hubaen pasangap Tuhani

3.   Unang ma modom Ho tondingku . sai ngot ma ho sai hehe ma
radot ma ho di ulaonmu sai puji Tuhan Debata
sai pangke nasa malomi mamujimuji Tuhan i

4.   Mauliate ma rohangku di Ho o Debata tongtong
dibaen sude denggan basamu naung nilehonmu di au on
ai dipatongon ho tongtong sude na ringkot di au on

5.   Hupuji dohot Ho o Jesus Marningot asi ni rohaM
Marningot mudarMi na durus Ro di sude dengganbasaM
Patupa haluaon i Di au pardosa godang i.

6.   Ho pe o Tondi Parbadia Dipuji endeendengkon
Margogo jala marmulia Do Ho mangapul rohangkon
Molo hubaen na denggan i Hinorhon ni gogoM do i

7.   Ai ise do mamasumasu Au on o Debata nda Ho ?
Pamatangkon ro di tondingku Sai diparmudumudu Ho
Huhut lambas do rohaMi Manatap pardosaonki.

8.   Sai pujionku do basaM Saleleng na mangolu au
Pasangaponku do goarMu Saleleng na marhosa au
Maradu tos pe hosangki Naeng pujionku sangapMi.

9.   Sai jalo ma ale Tuhanku Pamujingkon na hurang i
Di surgo pe padengganonku Dung sahat au di lambungMi
Marloksaloksa hali do Disi endehononku Ho.

16.  TAPUJI MA TUHANTA.

1.   Tapuji ma Tuhanta Sian sandok rohanta
Dibaen dengganbasana Di hita huriaNa

2.   Dilehon do hita Pamatang nang tondinta
Diudut do hosanta Dijaga nang ngolunta

3.   Disuru Debatanta Do Jesus i AnakNa
Mamboan hatuaon Di nasa hajolmaon

4.   Naung sesa do dosanta mangolu do tondinta
Godang nuaeng jambarta Di surgo jaloonta.

5.   I pe hupuji hami BasaM i Tuhannami
Ho na marasiroha Di nasa manisia

6.   Sai pargogoi ma hami Paringgas rohanami
Mamuji Ho Jahowa Saleleng ni lelengna.

17.  RAJA NA TUMIMBUL.

1.   Raja na tumimbul Sigomgomi hami Jalo ma pujiannami
Denggan ni basaM do Pangoluhon hami Atik pe mardosa hami
Sai apoi pargogoi hami mangendehon SangapMi o Tuhan

2.   Sai dipuji langit JadijadianMu Saluhut pambahenanMu
Parsinondang bolon Na marpamongguri Ho o Tuhan do dipuji
Bulan i Bintang pe Ho do pinujina Dohot sinondangna

3.   Dohot do tondingku Tungkap di adopan Ni habangsaMi o Tuhan
Nang sude donganku Nasa na marhosa Pujionna do Jahowa
Sai tongtong Na sintong Holan Debatanta Do sipujionta.

4.   Nasa na tumanda Tuhan Jesus Kristus Sai endehon ma goarNa
Nasa na posea Sai ringgas patulus Na sinangkap ni Tuhanta
Sai tongtong Ingot on Tongtong pujionta Sogot Debatanta.

18.  UNGKAP BAHAL NA UMMULI.

1.   Ungkap bahal na umuli, bagas ni Debatangki.
Ai tusi do au naeng muli, ganup jumpang Minggu i.
Hulului do disi, bohi ni Debatangki.

2.   Nunga ro au, o Tuhanku, ro ma Ho tu au muse.
Ai di bagas ingananMu, las ni roha do sude.
Sai bongoti rohangkon, baen ma JoroMi dison.

3.   Sai pantun pangalahongku Maradophon bohiMi
Sai suruhon tu rohangku Tondi Parbadia i
Asa sai tongtong ture Tangiangku ende pe

4.   Doshon hauma na dumengan Ma rohangku di joloM
Sai lopokkon ma na dengganTu bagasan rohangkon
Sai tumpahi hataMi Asa marparbue i

5.   Baen togu haporseaon Dibagasan rohangki
Asa unang be rampason Ni sibolis artangki
Sai ditogu hataMi Ma au on tu surgo i

6.   Pangkulingi au Tuhanku Asa hutangihon Ho
Patandahon tu rohangku Na tau pasangaphon Ho
Sai pabosur tondingki Dohot asiasiMi

19.  O JESUS TATAP MA TUSON.

1.   O Jesus tatap ma tuson Pasaor TondiM tu hami on,
Sai rohanami dirajai Dalanannami dipasae.

2.   Pamujinami baen ture Buhai ma rohanami be
Patinggil pinggolnami i Lao tumangihon hataMi

3.   Haporseaonnami on Patogu ma sadari on
Papintor langkanami be Tu surgo i tu lambungMi

4.   Pamasuk hami on sude Dung suda bohalnami be
Tu angka na di surgo i Tongtong mamuji goarMi

5.   Di Ama na sumurung i Angka di anakNa Jesus i.
Di Tondi Parbadia pe Ma hasangapon sasude.

20. PAIAN MA DI HAMI.

1.   O Jesus Tuhannami Sai tatap hami on
Asi rohaM di hami Palua hami on

2.   Naeng ihuthononnami Na pinatikkonMi
Naeng pasidingonnami Sogo ni rohaMi

3.   Naeng lam botoonnami Taringot tu sude
Tinaon ni Tuhannami Uju targantung i.

4.   Luhutna dosanami Diporsan Ho disi
Unang saut mate hami Dibahen dosa i.

5.   On pe o Tuhannami Tumpahi hataMi
Masuk tu rohanami Paian ma disi

21.  BEGE MA SUDE HAMU.

1.   Bege ma sude hamu Bege ma na marsak roha
Nunga mate utangmu Nunga sesa sude dosa
Ala asi roha ni Anak ni Debata i.

2.   I ma Tuhan Jesus i Sipalua manisia
Ditadingkon surgo i Asa gabe jolma Ia
Tung mudarNa do use Asa sae dosanta be

3.   Bege ma hamu sude saluhut na marsak roha
Ndang adong na mago be Anggo angka na porsea
Di Tuhanta Jesus i Na humophop sasude

22. NUNGA RO DI PARGURUAN.

1.   Nunga ro di parguruan Hami on,na dison Masihangoluan
Jesus,sai huingot hami HataMi,nidokMi Ho naeng dongannami.

2.   Baen ture pingkirannami Unang lao tu na dao Mampar rohanami
Sai patinggil pinggolnami Tu hataM asa lam Huantusi hami

3.   Suru Tondi Parbadia Baen ture hami be Ringgas jala ria
Asa bali haliluan Jea pe sasude Timbul hangoluan.

4.   Pabotohon ma tu hami Holong ni rohaMi Na pangolu hami
Asa lam mardosniroha Hami on, sai tongtong Mangalo na roa.

5.   Jesus ndang diparsineang RohaMi hata ni Na ro martangiang
I do pos ni rohanami Mida Ho, na dung ro Paluahon hami.

23. JESUS HAMI RO DISON.

1.   Jesus hami ro dison Asa masihangoluan
I pe ro ma Ho tuson Jala baen ma pardomuan
Ni TondiM tu tondinami Unang mampar rohanami

2.   Holom rohanami be Nang parbinotoannami
Molo so ro TondiMi Manondangi rohanami
Ingkon Ho do paturehon Dalannami sidegeon

3.   Sondang sian Debata Hatiuron sian ginjang
Baen ture sondangi ma Rohanami asa sonang
Lao manjalo hangoluan PinatupaMi o Tuhan

24. TUHAN DEBATA.

1.   Tatap hami on Na pungu dison Ai na naeng pujionnami
Denggan ni basaM di hami Tatap hami on Na pungu dison

2.   Togu hami on Na mardosa on Ale Jesus Tuhannami
Sai asi rohaM di hami Togu ma tongtong Na mardosa on.

3.   Sai ramoti be Hami on sude Maradophon musunami
Asa unang mago hami Sai ramoti be Hami on sude

4.   Sai urasi be Hami on sude Asa muba rohanami
Jala ias tondinami Sai urasi be Hami on sude.

5.   Sai ajari be hami on sude Asa lam huboto hami
Dalan sidalanannami Sai ajari be hami on sude

6.   Sai pintori be Hami on sude Molo unduk rohanami
Manopoti dosanami Sai pintori be Hami on sude

7.   Sai padungo be Hami on sude Unang loas modom hami
Di bagasan dosanami Sai padungo be Hami on sude

8.   Sai pamasuk be Hami on sude Di na jumpang ajalnami
Molo suda bohalnami Tu ingananMi Hasonangan i.

25. HATAMI ALE TUHANKU.

1.   HataMi ale Tuhanku Arta na ummarga i
Sai paian di rohangku Unang so hutiop i
Molo so be sitiopan Hata na badia i
Aha nama haojahan Ni haporseaon i ?

2.   Ale Jesus sai matahon Sai ramoti ma au on
Asa hot haporseaon Di bagasana rohangkon
Sai paringas ma rohangku Mangoloi di hataMi
Asa mauas di podaMu Songon si Maria i.

26. ALE DONGAN NA SAROHA.

1.   Dame nimMu ale Jesus LehononMu di bangsoM
TondiMi do na patulus HataMi tu naposoM
Dangol hami jala pogos Ndang tau baen parhaladoM
Tondi parbadia tongos Margogihon hami on

2.   Ale Tondi Sipardame Sai bongoti hami be
Sai pasada rohanami Gok parbue baen sude
Lam patinggil pinggolnami Tumangihon dasdasMi
Asa ganda ringgasnami Pararathon hataMi.

3.   Sada siradotannami Dipangido rohami
Ingkon holong rohanami Mida angka dongan i
Asa tung margogo hami Patupahon hataMi
Sumeahon dirinami Tu Ho nang tu dongan i.

27.  DEBATA DO MANGGOMGOMI.

1.   Haleluya ari Minggu Ari na dumenggan i
Molo iba lao marpungu Dohot dongan Kristen i
Ari na sumurung i Las ni rohangki do i

2.   Maradian do tondingku Di na jumping Minggu i
Nasa arsak ni rohangku Hulonongkon do disi
Tu bagasan roha ni Jesus Kristus, Tuhanki

3.   Na huula ganup ari Hutundalhon do disi
Asa tarpasarisari Au ngolu ni tondingki
Arta na ummarga i Jumpang au di Minggu i

4.   Lomo ni rohaM o Tuhan Naeng patupaonku do
Parangengku hupadenggan Asa hupasangap ho
Ulos hatigoran i Lehon ma di tondingki

5.   Sai pahehe ma rohangku Sai ajari ma au on
Jala tongos pangapulMu Tu bagasan rohangkon
Baen sombu sadari on Uas ni tondingkinon

6.   Pasupasu ma jamita Di huriaMi sude
Sai pasongop tu pandita Nang tu angka guru pe
Tondi Parbadia i Marsahala baen sude

7.   Paimbaru ma padanmu Dohot na porsea i
Pargogoi ma siseanmu Pasangaphon goarMi
Tangiangna, ende pe Sai tangihon ma sude.

8.   Sai urupi au Tuhanku Paujungkon ari on
Di bagasan tangiangku Songon na hupungka on
Sai huhalungunhon ma SabatM, o Debata.

28. HATA NI JAHOWA.

1.   Hata ni Jahowa Sipadame jolma Hangoluan i
Halalas ni roha Siapuli roha Ni na marsak i
Gogo ni Debatangki Paluahon na porsea Sian nasa jea.

2.   Nasa tinahina Tagan so ditompa Tano on dope
Nang na tinuduan Ni sude pelean Jumpang do muse
Sangkap ni Amana i Dipatulus Jesus kristus Jolma i ditobus.

3.   Na rade di hita asi ni rohaNa Nang basaNa pe
Nunga mate Kristus Nunga sun ditobus Hita on sude
Sangap ma di Debata Na porsea di hataNa Do pangoluonNa

4.   Hata hangoluan Do nuaeng diboan Parjamita i
Na lambok begeon i nuaeng dilehon Tu rohanta i
Hita on dijamita i Ai didokkon be do hita Paubahon roha

5.   I do haojahan Na tongtong manahan Salelengna i
I hajongjonganku I do haposanku Hangoluanki
Gogongki tongtong ma i Mangihuthon tu hataNa

Lao mambaen lomoNa.

6.   Jesus sai tangihon Na hupangidohon Sai asi rohaM
Lehon sipargogo Asa lao tu surgo Au tu banuaM
Unang so tu Ho au ro I pe molo tos hosangku

Tiur baen dalanku.

29. NASA JOLMA INGKON MATE.

1.   I ma tingki hasonangan Molo Ho o Jesuski
Pinahusor di pingkiran Ro di asiasiMi
Molo Jesus ni luluan Holan Jesus sinangkapan
Tingki na lehet ma i Na pasonang roha i.

2.   Sai buas naeng lehononMu Jesus asi ni rohaM
Sai girgir do topotonMu Na uasan di hataM
Gok do mual hangoluan Di bagasan Ho, o Tuhan
Jala sai dapotan do Sasude na ro tu Ho.

3.   Ala nii o Tuhannami Topot ma huriaMon
Pasupasu dohot hami Gohi rohanami on
Mauas songon si Maria Di hataM na sun badia
Baen ma hami sasude Asa tung maruli be

30. JESUS LEHON HATORANGAN.

1.   Jesus lehon hatorangan Hapistaran Mangantusi hataMi
Lehon mata na marnida Dohot roha na umboto dalanMi
Asa tongtong maradophon BohiMi mardalan hami
Asa digomgomi TondiMi ma hami.

2.   Ganup ari ma ajari Hami na di haotoon i dope
Asa lam porsea hami Ho sambing do hangoluannami i
Lam lumeleng lam pasolhot Tu rohaM ma rohanami
Hombar tu HataM ma pangalahonami

3.   Sai martua ma nasida Na mambahen Jesus haposanNa i
Aut tung sura olo hita Jesus i baen parsigantunganta i
Ale Jesus sai patogu Hami na di parporangan
Asa dapot di ujungna hamonangan

4.   Sai tangihon ale Tuhan Molo martangiang hami be tu Ho
Pasupasu marlobian LehononMu tu na ro manopot Ho
Sai dongani nama hami Asa hot di parpadanan
Mian hami sahat ro tu hasonangan.

31.  DEBATA DO MANGGOMGOMI.

1.   Ari na marhasonangan I ma ari Minggu i
Ari i paradianan Ni na marulaon i
Sai martua halak i Na ringgas marminggu i.

2.   Songon dia paheanku Mandapothon Debata ?
Unduk serep ni rohangku I do abit na tama
Dung adong na songon i Tau ma au di Tuhanki

3.   Ale Tuhan sai pangolu Jala sai ajari au
Molo ganggu sai patogu Marsak pe apuli au.
Tung patorang hataMi Sai tongong tu rohangki.

4.   Pasupasu pangajaran Na nidok ni hataMi
Sai patogu parpadanan Ni na manangihon i
Sai urupi ma na ro Martangiang dompak Ho.

32. JESUS HAMI RO DISON ASA.

1.   Nang lao ruar masuk pe Jesus sai dongani hami
Pasupasu hami be Dohot hangoluannami
Togu hami ale Tuhan sahat tu banuaginjang.

33. HAMU SALUHUT HALAK.

1.   Antong sai dok ma amen Patorus rohanami
Tumangkup hataMi O Jesus Tuhannami
Patongtong rohanami Marhite hite TondiMi ?

34. NGOT MA HO DIJOU SOARA.

1.   Jesus do haholonganta Ai digarari do dosanta

Tobusta do mudarNa i
Daging dohot tondinami Tu Ho Jesus

hulehon hami ai sonang do di tanganMi
Sai jalo hami on Hami huriaMon AnakkonMu asi rohaM
Denggan basaM Tumpakkon ma tu huriaM.

35. SADA NAMA SANGKAP.

1.   Sude hami na dison marpungu Do padomu tangan i
Patoguhon padan di mudarMu Tanda hot di Ho sude
Jesus sai paboa ma di hami Lomo ni rohaM di endenami
Dok ma amen situtu Dame, dame di hamu

36. PASU PASU HAMI.

1.   Pasu pasu hami O Debata nami
Sai sondangkon bohiMi Tu na pungu on sude

2.   Lehon ma di hami Dame ganup ari
Sai pasaor ma TondiMi Tu na pungu on sude

3.   Amen hudok hami Ale Tuhannami
Na marasi roha i Sangap ma di goarMi

37.  ASI NI ROHA.

1.   Asi ni roha ni Tuhan Jesus Kristus Holong ni roha ni Debata
Dohot parsaoran ni Tondi Mandongani Hita sasudena

38. PARUAK MA HARBANGAN I.

1.   Paruak ma harbangan i Ai nunga ro Rajanta i
Sigomgom raja sasude Sitobus hajolmaon pe
Siboan hatuaon i Pasuang hasonangan i
I pe tapuji ma Tuhanta Debata

2.   Na sun tigor do roha ni Na ro tumopot jolma i
Ai Raja na badia do Huhut parasiroha do
Pabalionna do sude Na mangarsahi hita be
Ipe tapuji ma Tuhanta Debata.

3.   Martua luat huta pe Dung jinangkonna Raja i
Rohanta pe sai sonang do Dung masuk Raja i naung ro
Ai tiur do rohanta i Dung ro panondang i tusi
Ipe tapuji ma Tuhanta Debata

4.   O Jesus ro ma Ho tuson Ai naung huungkap rohangkon
Patongon asi ni rohaM Patolhas denggan ni basaM
Tu au marhite TondiMi Togihon au tu surgo i
Ai naeng tongtong disi Hupuji goarMi.

39. BEHA MA PAJALONGKU.

1.   Beha ma panjalongku Di Ho O Tuhanki ?
Beha ma panomungku Di Ho o Rajangki ?
Sondangi ma rohangku na holom na bodo
Ai naeng patupaonku Las ni rohaM di Ho

2.   Pangisi ni SionMu Do mangolophon Ho
Lao songon i rohangku Lao mandapothon Ho
Na ringgas do rohangku Mamuji goarMi
Na daulat do sangkaphu Patulus rohaMi

3.   Ai ndang adong na hurang Na pinatupaMon
Mambaen tu au sumuang Dame ni rohangkon
Ai di na marsak ahu Binaen ni dosa i
Ro Ho ale Pangolu Mandaoni sahithi.

4.   Tung aha ma alana Umbaen ringkot roham
Tumopot manisia Nda holong ni roham ?
Nda asi ni rohaMu Di na tarsosak i ?
Ai naeng pangoluonMu Sude naung mago i

5.   Di na tarihot ahu Ro Ho mananggal au
Di na tarhurung Ho paluahon au
Ho na pasangaphon Na lea on hian
Ho do na pamorahon Na pogos on hian

6.   Hamu na holso roha Biaen ni dosa i
Tangihon boaboa Na sian surgo i
Naung ro do Sipalua Disuru Ama i
Pasonang rohamuna Mamboan dame i

7.   Ndang be habiaranmu Sude pangago i
Ai nunga ro Rajamu Mangalo saasude
Maporus do luhutna Dibaen Rajanta i
Rendep do sasudena Di adopanNa i

8.   Ro do Ibana sogot Di ari uhum i
Ingkon disi tarsonggot Pardosa na tois i
Alai na holong roha Marlas ni roha do
Disi ma dohononna Pinuji Ho na ro

40. LAS SITUTU ROHANGKU.

1.   Las be ma rohamuna Na igor roha i
Naung ro do Rajamuna Mamboan tua i
Ndang marpanggortap i Anggo di haroroNa
Alai tuk do gogoNa Padaohon jea i

2.   Ndang dilului rohana Dison sonangna i
Di surgo habangsaNa HarajaonNa i Ai naeng buni dope
Di tano on sangapNa Dung tulus pe sangkapNa Patar ma i sude

3.   Hamuna angka raja Oloi ma Raja on
Ai hangoluanmuna Do dipatupa on Ai molo tois hamu
Manjua di hataNa Sai talu do rimasNa Mangago tu hamu

4.   Hamu angka na sangap Didok portibi on
Ibana do sumangap Di hasiangan on Sai bege hatai
Sai unang ma mandali HataNa nang sahali Tu rohamuna i

5.   Hamu na marsak roha Di hasiangan on
Dibaen godang ni dosa Na di portibi on Sai hehe ma hamu
Padirgak ulumuna Ai hamoraonmuna Do Jesus i tutu.

6.   Tibu ma ulahanna Manopot jolma i
Sude hasangaponNa Tarida ma disi Sai borhat ma hamu
Manomu Rajamuna Pagalak sulumuna Ibana ro tibu.

41.  Songon Buku Ende.

1.   Parripe ni Tuhanta Sai hehe ma hamu

Sai jangkon ma Rajanta Marroha na burju
Girgir ma hita be Marende di Ibana Manjouhon

Hosianna Burju ma sasude

2.   Hamu na marsak roha Jonok do Raja i

Na ro mangapul roha Ni nasa na tungki
Torop nuaeng tahe Inganan hasonangan i

I ma partangiangan Ni na porsea i

3.   Hamu na so mararta Di hasiangan on

Na mora do Rajanta Na ro tu hita on
SarihononNa do Saluhut na hasea

Alai saluhut jea PabalionNa do

4.   Antong girgir ma hita Manomu raja i

Mangungkap di Ibana Sandok rohanta i
Denggan tabaen nuaeng

Dalanna tu rohanta Na naeng pasonangon

Na Tiur ma i tabaen

5.   Godang do lehononNa Di hita sasude

Sai naeng do bongotonna Nuaeng rohanta be
Tung ise hita on Manjua paluaon

Manjua pasonangon Ni Raja i antong ?

6.   O Jesus sai bongoti Ma dohot rohangkon

Asi rohaM ingani Ma tondingki tongtong
Patiur langkangki Lao tu banuaginjang

ai naeng marsonangsonang Hupuji Ho disi

42. HAMU SUDE NAUNG TINORUAN.

1.   Hamu sude naung tinoruan Ni patik ni si Musa i
Sai ro hamu tu hasonangan Na dibagasan Jesus i
Ai nunga ditostosi Jesus do ihotihot i sibolis , mangagohon Tondimi.
Dapothon ma nuaeng Tuhanmu , naung ro mambaen haluaonmu ;
papos ma rohami disi

2.   Na ro ma Gurumi , tarehon pinggolna tu podaNa i
naeng patuduhononNa dalan di ho nuaeng tu surgo i.
Ai na buni anggo najolo , patar dodi sude na olo
Porsea di Tuhanta i . Ibana do na paboahon
Saluhut na hinalomohon ni Debata , AmaNa i.

3.   Na ro ma Rajami , sai jangkon Ibana tu roham , ale.
HasangaponNa ditadingkon Mambuat dangolmi tahe
Antong sai tiop ma tanganNa Paboa na nirajaanNa
Huhut niramotanna ho Mangmangkon ma burjum,paboa
Tundalhononmu do na roa Lao mangoloi RajaM naung ro

4.   Gok situtu hamoraonmu Di Jesus Kristus Tuhanmi.
Tangkas ma i naeng etongonnu Gotaphon sian rohami
Luhut na olo mago sogot Ai ingkon gabe parsidohot
Ho tu banuaginjang i Saonari do helehetanna
Na jumpang do hadenggananna Sai jangkon Jesus Tuhanmi

43. PADIRI ROHAMUNA.

1.   Padiri rohamuna Hamu parroha i
Naung ro do tuamu na Pasaehon dosa i
Ro sian ginjang do Maningkir sidangolon
Ni nasa hajolmaon Naeng buatonNa do

2.   Pauli di Ibana Ma rohamuna be
Alai na so lomoNa Padao ma sasude
Dalanna naeng ture Lao bongot tu rohanta
Ipe na tau sabatNa Pabali ma sude.

3.   Parroha haserepon Naeng topotonNa do
Parroha hajungkaton Sai oloonNa do
Parroha na ture Na unduk di hataNa
Na olo toguonNa Ditopot Jesus i.

4.   Asi rohaM Tuhanku Parade ma au on
Manjangkon tu rohangku Ho hatuaonkon
Bongoti rohangkon Disi ma Ho maringan
Sai Ho ma ale Tuhan Nampuna au tongtong

44. O TONDI PARBADIA I, BONGOTI.

1.   Hamuna na porsea i Sai tomu Tuhan Jesus i Pahehe rohamuna,
Jonok do ari pesta ni Saluhut huriaNa i I ma hatutubuNa,
I pe hehe ma hamuna Baen pantunna lao manjangkon

Na manopot hajolmaon.

2.   Marlas ni roha situtu Saluhut halak na burju

Lao mangihuthon Jesus,
I pe pataridahon ma Las ni roham di Debata SangkapNa ma patulus,
Puji puji Jesus Kristus na manobus tondimuna Sian hamagoanmuna,

3.   Sigati rohamuna be Sai tanda dosamu sude Paringkot rohamuna,
Manjangkon Sipalua i Na tuat sian surgo i Manggarar utangmuna,
Tanda hata Hangoluan na binoan ni Tuhanta Na pasae sude dosanta.

4.   Ai molo so diboan ho Dosam tu Jesus i na ro Ndang saut be ho malua
Tongtong ma songgop rimas ni Jahowa Debatanta i Tu ho na hum manjua
I pe sude Angka dosa hinaroa ni rohamu Pasesahon tu Tuhanmu.

5.   O Debata, asi rohaM Tumatap hami huriaM Sai taiti rohanami
Tu Jesus Kristus, AnakMi Naung ro tu hajolmaon i Baen hatuaonnami
Tomos, gomos Baen ma hami mardalani tu na sonang Sahat tu banuaginjang.

45.  HOSIANNA ANAK NI.

1.   Hosianna Anak ni, Raja David ro tu hita
Baen ture dalanna i, asa bongot tu rohanta.
Baen ma gabagaba i, di Tuhanta na ro i.

2.   Hosianna ro ma Ho, tu bagasan rohanami;
Na manomunomu Ho, ale Jesus Tuhannami.
Las do rohanami i, molo bongot Ho tusi.

3.   Hosianna Raja ni Hadameon Ulubalang
Nasa na binoanMi Dame dohot hasonangan
Hami na hinophoMi Di nampuna i sude

4.   Hosianna Tatap ma Hami na nirajaanMu
Togu ma tu Debata Hami angka siseanMu
Sai sungguli hami on Mangoloi hataM tongtong

5.   Hosianna Saut ma baen Bagabaga ni Jahowa
Nang buni dope nuaeng HasangaponMi di jolma
Angka na porsea i Do mananda gogoMi

6.   Hosianna Pargogoi Hami sasude o Tuhan
Asa gabe pangoloi hami na di pardangolan
Di hataM na denggan i Asa pinatulus i

7.   Hosiana Anak ni Debata na gabe jolma
Topot ma HuriaMi Asa ai tongtong martua
Sangap ma di GoarMi Salelenglelengnai.

46. NA SIAN GINJANG DO AU RO.

1.   Na sian ginjang do au ro Barita na imbaru do
Huhut na uli situtu Huboan tu sude hamu

2.   Naung tubu do saborngin on Anak ni na marbaju on
Anak na uli situtu Na gabe las ni rohamu

3.   I ma Tuhanmu Kristus i Na ro mangontok jea i
Silehon tua di hamu Huhut sisesa dosamu

4.   Diboan hangoluan i Silua ni Amana i
Ai naeng tu harajaon ni Pasuangonna jolma i

5.   On ma partinandaan ni Di bara dapotonmu i
Peak di panggagatan do Huhut na binalutan do

6.   Boti didok barita i Tinongos tu parmahan i
Tu nasa hajolmaon pe Ditongos Debata dope

7.   On pe rohangku tanda ma Luhutna i patangkas ma
Ai ise Posoposo i ? Jesus alealem do i

8.   Tuani ma Ho Jesus ro Dangolhu dieahi Ho
Ndang marsineang rohami Di au parhamagoan i.

9.   Longang tutu do rohangki Marnida pangalahomi
Nang gok di Ho portibi on Martohap Ho di dangolhon

10.           O Jesus haholonganki Bongoti dohot rohangki
Pabali sian sude Na tau mangago au muse

11.           Haleluya, Haleluya Na ro tu hita Debata
Martua hita baenon ni Saleleng ni leleng na i.

47.  AUT NA SARIBU HALIGANDA.

1.   Di na saborngin i do binsar Panondang di tondinta i
Padaohon saluhut na simpar Lao patiurhon sasude
Sondangon ni Panondang on Muse sandok portibi on

2.   Ianggo ho ale tondingku Sai jangkon ma Panondang i
Sai unang ma lea rohamu Dibaen hametmetonna i
Pabalionna do sude Sibolis dohot dosa pe

3.   Panondang on do papatarhon Na so hea niidami
Dibahen i sai hangoluhon Sondangna i tu tondimi
Ai ido hasonanganmi Di na lao sego sasude

4.   Dibahen i sai marsinondang Ma baen haporseaonmi
Padenggan jala sai patorang Roham ro di parangemi
Paboa na marguna do Panondang na ro i di ho

5.   Jesus panondang na ummuli Na pasonangkon rohangki
Togihon ma tondingku muli Tu surgo tu ingananmi
Sai pujionku Ho disi Saleleng ni lelengna i.

48. RIA MA HITA SASUDE.

1.   Ria ma hita sasude mamuji Debata
Girgir ma parendenta be Ai i do na tama Ai i do na tama

2.   Diungkap Debatanta i Banuaginjang i
Disuru do AnakNa i Hangoluanta i Hangoluanta i

3.   Ampuan ni AmaNa do TinadingkonNa i
Tu hasiangan on do ro Tu pardangolan i Tu pardangolan i

4.   Sitompa nasa na adong,sigomgom sasude
Ro songon i tu tano on. Manaon na porsuk i Manaon na porsuk i

5.   Dibahen i las situtu do rohangkon nuaeng,
Hujangkon Jesus i tutu, ai sonang au dibaen, ai sonang au dibaen.

6.   Antong hamuna sasude Pardosa na tungki
Sai ungkap rohamuna be Manjangkon Jesus i, Manjangkon Jesus i

7.   Ringgas ma hita sasude Mamuji Debata
Gogo ma taendehon be Amen Haleluya, Amen Haleluya

49. SAI RO MA TU BARA.

1.   Sai ro ma tu bara di Betlehem on Hamu na porsea hatop ma tu son
Marnida halalasan ni rohanta i Tinongos ni Ama na di surgo i

2.   O ida hamu ma di bara inon Dakdanak na tubu disi borngin on
Uli do rupana maa na tiur O bereng Ibana ho gabe tiur

3.   Las roha Maria nang Josep disi Marnida na metmet na sorang tusi
Marsomba tu patna do parmahan i Di ginjang marende pardisurgo i.

4.   Pasinggang ma totmu hamuna sude Maniru parmahan marsomba muse
Marende hamu na marlas roha i Maniru suruan na di ginjang i

5.   Sai dok ma O Anak ni Debata i Ho ro sian ginjang dibaen asiMi
Di hami sudena na mardosa on Mambaen haluaon di hami tongtong

6.   Tung aha ulaning denggan di rohaM ? Silehononnami baen las ni rohaM ?
Nang sere nang perak ndang pinangidoM Ai roha na ias sambing do lomoM

7.   Antong rohanami ma peleanMi O Jesus hasian sai jalo ma i
Ias jala sonang ma baen angka i Tongtong gabe domu ma tu rohaMi.

50.  MARENDE MA HAMU.

1.   Marende ma hamu On ma dohononMu Holong ni rohanta Do Posoposo on
Na mareakhon hita Tu atas tano on Tuhanki do Ho, Tuhanki do Ho.

2.   Malungun au di Ho O Jesuski naung ro Apul ma rohangku Saleleng au dison
Asi rohaM di ahu Marnida dangolhon Taiti au tu Ho, Taiti au tu Ho

3.   Basa do Ama i Disuru Anak i Asa gararonNa Sude utangta i
Huhut padirionNa Hasonanganta i Aut na sahat au, Aut na sahat au

4.   Tongtong di surgo i Hasonanganta i Sai mariaia Disi suruan i
Nang angka na badia Naung tolhas ro disi Na masihol au, Naeng tusi ma au.

51.  TOLE PUJI MA TUHANTA.

1.   Tole puji ma Tuhanta Tu Ibana ma rohanta
Asa girgir parendenta Ale dongan Kristen i.

2.   Dosa dohot hamatean Bolis dohot hamagoan
Talu, ala naung diboan Jesus hangoluan i

3.   Sai tandai ma denggan basa Ni Jahowa Debatanta
Dibasahon do AnakNa Baen hangoluanta i

4.   I ma ro holong rohaNa Jolma do dibaen donganNa
Dohot tu harajaonNa Hita diarahon do

5.   Nunga binsar panondangi Haholomon disondangi
Na masihol i didaoni Dipangolu do sude

6.   Ale Jesus haholongan Boan ma tu hasonangan
Hami na di parjalangan na mangkalungunhon Ho

7.   Asa di joloM ma hami Mangendehon endenami
Raphon angka dongannami Angka pardisurgo i

52.  HATUAON DO.

1.   Hatuaon do las ni roha do Hatutubu ni Jesus i
Mago do jolma Ro ma Tuhanta Las be, las be ma rohanta i.

2.   Hatuaon do las ni roha do Hatutubu ni Jesus i
Domu do hita Tu Debatanta Las be, las be ma rohanta i.

3.   Hatuaon do las ni roha do Hatutubu ni Jesus i
Las ma rohanta Mida Tuhanta Las be, las be ma rohanta i.

53.  DI BETLEHEM DO TUBU.

1.   Di Betlehem do tubu Di hita Anak i I do sian na burju
Hupilllit Rajangki, i do, i do, Hupilllit Rajangki

2.   Tu holong ni rohaNa Hubonom rohangkon
Hulehon di Ibana Sude na di au on Olo, olo, sude na di au on

3.   Sai naeng haholonganku Ho, ale Tuhanki nang marsak las rohangku
Ingkon lam ganda i. Olo,olo,ingkon lam ganda i

4.   Burju naeng lehononku Di Ho rohangkinon Asi rohaM Tuhanku
Urupi au tongtong. Olo, olo, urupi au tongtong

5.   Partohap di dagingku Ho, Debata hian Tu Ho naeng au mardomu
Ho, artangki hian. Olo,olo, ho artangki hian

6.   Sai unang sirang hita Momosi ihot i Di holong ni rohanta
O Jesus, Tuhanki. Sai tong, sai tong di Ho ma rohangki.

54.  SONANG NI BORNGINNA I.

1.   Sonang ni bornginna i Uju ro Jesus i
Sonang modom do halak sude Holan dua na dungo dope
Mangingani AnakNa Jesus Tuhantai

2.   Denggan ni bornginna i Uju ro Jesus i .
Tu parmahan di Betlehem i.Dipaboa na di surgo i
Nunga ro Sipangolu Jesus Tuhanta i

3.   Godang ni tua disi Di na ro Jesus i
Tung malua pardosa muse. Sian hamagoanna sude
Ala ro Sipangolu Jesus Tuhanta i.

55. BORNGIN NA BADIA.

1.   Borngin na badia i Tua do binoanmi
Ai ditongos Debatanta Do AnakNa gabe jolma.
Ala ni pinuji ma Na ro sian Debata

2.   Na mardosa sasude Ndada pola mago be
Dipalua Jesus hita Sian saluhut dosanta
Nang na holom sasude Dipatiur Jesus pe.

3.   Sangap ma di Tuhan i Na mmboan dame i
Na mambahen manisia Lomo ni Tuhan Jahowa
Borngin na badia i, I do na binoanMi.

56.  SAI RO MA HAMUNA.

1.   Sai ro ma hamuna angka na porsea,
Sai ro ma hamuna tu Betlehem.
Ida dakdanak, Sipalua hita, Tasomba ma Ibana
Tasomba ma Ibana, Tasomba ma Ibana, Rajanta.

2.   O Raja na sangap Tuhan ni saluhut
Ditaon Ho na porsuk di tano on
Ala ni jolma na di hamagoan Tasomba ma Ibana
Tasomba ma Ibana, Tasomba ma Ibana, Rajanta.

3.   Hamuna suruan, puji ma Jahowa,
Rap dohot sude na martua i.
Sangap di Tuhan Debata di surgo, Tasomba ma Ibana,
Tasomba ma Ibana, tasomba ma Ibana, Rajanta.

4.   O Jesus Tuhanku sai naeng pujionku
PambaenMu di ahu pardosa on
Ai gabe jolma Ho humophop ahu , tasomba ma Ibana,
Tasomba ma Ibana, Tasomba ma Ibana, Rajanta

57. NUNGA JUMPANG.

1.   Nunga jumpang muse ari Pesta i
Hatutubu ni Tuhanta Jesus i
Tuat.do Ibana sian surgo i Mebat tu hita on
Hasangapon di Debata, dame,dame ma di jolma.
Las ni roha ni Debata Hajolmaon muse.

2.   Beta, ale dongan tu Betlehem i
Itasomba ma Dakdanak na disi
Na tinongos ni parasiroha i Debata Ama i
Hasangapon di Debata, dame,dame ma di jolma.
Las ni roha ni Debata Hajolmaon muse

3.   Sombanami ma di Ho na tubu on
Ho siboan dame tu portibion
Sai pasaorhon ma tu rohanami on DameMi o Jesus.
Hasangapon di Debata, dame,dame ma di jolma.
Las ni roha ni Debata Hajolmaon muse.

58.  MARTUMBUR TUNGKOTUNGKO

1.   Martumbur tungkotungko na di si Jese i
Na tubu Posoposo Na pinarbaga i, I ma Tuhanta i
Sinuru ni AmaNa Tu hita jolma i

2.   Tumbur sinurirangkon Ni si Jesayas i
I do na tinubuhon Ni si Maria i
Na saut ma jumpa i Na pinarbagabaga Ni Debatanta i

3.   Mansai denggan rupaNa Na marsinondang i
Nang pe pogos Ibana Na gabe jolma i
Tiur ma baenon ni Roha ni hita jolma Na di na holom i.

4.   Pinuji ma Jahowa Na asi roha i
Dilehon do AnakNa Hangoluanta i
Girgir ma hita on Mamuji Debata Ala basaninon

5.   O Jesus Tuhannami Naung ro tu tano on
Tu pardangolannami Di hasiangan on asi ma rohami
Sai togu tondinami tu hasangaponMi

59.  O JESUSKI HUPUJI HO.

1.   O Jesuski hupuji Ho Dibaen naung gabe jolma Ho
Ditopot Ho do hami on Na dangol di portibi on

2.   Peak di panggagatan i Do Anak ni Jahowa i
Partohap di sibukta on Do na pangolu hita on

3.   Sigomgom parluhutan i Do na peak di bara i
Porsuk paniahapan ni Na marmuduhon sasude

4.   Ibana na tiur hian Na sangap sian nahinan
Do patiurhon tano on Lao manondangi hita on

5.   DiriNa dirumari do SangapNa ditinggalhon do
Manogu hajolmaon i Tu Debata AmaNa i.

6.   Na pogos ma Tuhanta i, manaon sude na porsuk i
Mamora hita baenon ni, saleleng ni lelengna i.

7.   I ma binaen ni Jesus i, pataridahon holong ni,
RohaNa na tongtong basa, I pe tapuji Debata.

60. MAROLOP-OLOP HAMU, ALE.

1.   Marolo-olop hamu ale surusuruan
Puji ma Jesus na ro paturehon dalanan Tu surgo i
Di manisia sude Songon na dapot idaon.

2.   Marolopolop hamu angka ujung ni tano
Puji ma Jesus Tuhanta na ro sian surgo
Domu muse jolma pardosa sude Tu Debata na di surgo

3.   Tanda ma holong ni roha ni Tuhan Jahowa
Ai dipatupa na tau halongangan ni roha
AnakNa i Tubu di Betlehem i Lao paluahon pardosa

4.   Anak ni Tuhan Jahowa manjalo sibukta
Ise na tuk mangantusi pambaenNa di hita ?
Mungkap nuaeng Dalan tu surgo dibaen Asa girgir bongotanta

5.   Dohot do au, ale Tuhan ditatap rohaMu
Dohot tu ahu dilehon Ho hatuaonMu
Las rohangkon naeng ma pujionku tongtong Ho Sipangolu tondingku

6.   Raja na sangap na bolon huhut marmulia
Na gabe jolma humophop sude manisia
Ho do tongtong Ihuthononku dison Sai hutundalhon na roa

7.   Ale Immanuel tubu ma Ho di rohangku
Jalo ma i, ale Jesus, tongtong ingananMu
Topot au on Baen ma au sonang tongtong Jala sai gohi rohangku.

8.   Huhaholongi o Jesus, Ho alealengku
Jala goarMu na bolon tongtong pujionku
Jalo au on, Jala urupi tongtong Mangaradoti hataMu

61. NA TAU LAS NI ROHA.

1.   Na tau las ni roha hatutubu ni
Jesus Sipalua haholonganki, Jesus Sipalua haholonganki

2.   Tung godang do dosa pangunjunan pe
Mangarsahi hita paima mate be, Mangarsahi hita paima mate be

3.   Na so tarhatahon hamagoan i
Aut so tubu Jesus Sipalua i, Aut so tubu Jesus Sipalua i

4.   Tuhan Debatangku Jesus Ho do i
Nda tung be mandele na porsea i, Nda tung be mandele na porsea i

5.   Sai tarapul ahu Tuhan dibaen Ho
Tua na tumimbul dame jumpang do Tua na tumimbul dame jumpang do

6.   Sai mardongan Jesus hinadenggan nii
Nang tu au patulus halolomoMi Nang tu au patulus halolomoMi

7.   Aut diboto dongan na sai burju Ho
Ra na marrongoman ro manopot Ho, Ra na marrongoman ro manopot Ho

8.   Halalas ni roha nang na bernit pe
Sai tong tu na denggan panumpakna be, Sai tong tu na denggan panumpakna be

9.   Sai ditatap Jesus sian surgo i
Jolma manisia, tinobusNa i, Jolma manisia, tinobusNa i

10.           Holsomi holsoNa, dihilala i
Sai pasonangonNa na niainNa i, Sai pasonagonNa na niainNa i

11.           TangantanganonNa na porsea i
Laos pasahatonNa tu na sonag i, Laos pasahatonNa tu na sonang i.

12.           Na mariaia do disi sude
Amen Haleluya, pamujina be, Amen Haleluya, pamujina be

62. HALALAS NI ROHA GODANG.

1.   Halalas ni roha godang, na hubaritahon on.
Nunga tubu Sipalua di hita jolma on.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.

2.   Ai saborngin on do binsar bintang di na holom i.
Sumondangi hagolapon, na di rohanta i.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.

3.   Tuhan Jesus hadomuan, na disuru Debata,
Na pasaehon sude dosa di dolok Golgata.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.

4.   Sai sondangi ma rohangku, ale Tuhan Jesus i.
Asa dohot au maruli, di hatutubuMi
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.

5.   Halalas ni roha godang sai songgopi rohangki
Asa dohot au ummalo Mamuji goarMi
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.

63. JESUS , HO DO SAI TONGTONG.

1.   Jesus Ho do sai tongtong Dihaposi rohanami
Nang di taon na’mbaru on Ingkon Ho do dongannami
Tanda hot do padan i Dibagasan mudarMi

2.   Nang goarMu nang hataM Ingkon dapot do begeon
Di bagasan huriaM Na girgir lao paradehon
Roha ni ruasNa i Bahen bagasjoroMi

3.   Na binaenMu sasude Pangoluhon tondinami
Nasa hatuaon pe Naeng gomos tioponnami
Nang ditaon na’mbaru on Hot di Ho ma hami on.

4.   Holan mardonganhon Ho Jesus, naeng mardalan hami
Bintan sipartogi do Ho tongtong di dalannami
Ai binaen ni sondangMi Tiur situtu ma1

5.   Jesus sahat ma tu Ho nasa parsorionnami
nang beha pe dibaen Ho sai marguna do di hami.
Raphon Ho tarapul be rohanami sasude

64. NAUNG MORU DO MUSE SATAON

1.   Naung moru do muse sataon huhut lam suda bohalhi
beha do au na sai laon ture do pangalahongki
lam ganda haporseaonku nang holong ni rohangku pe
di Jesus dohot Debatangku nang di donganku sasude

2.   Aut alusanku Debatangku ra tung maila au disi
marningot salpu ni rohangku ro di sude ulaonki
Ai dosa do binaen ni tangan Gok dosa nang rohangku pe
Nang pat nang mata Nang pamangan Luhut marsala do hape

3.   Aut nunga mate au nuaning Di dia tondingki tahe ?
Di hasonangan do ulaning Rap dohot na badia i ?
Mamuji Debata do ahu Dibaen asi rohaNa i
Manang na hona uhum ahu Di api na so mintop i ?

4.   Ndang dapot bilanganku dosa Naung huulahon nasailaon
Huhut ndang harajuman basa ni Tuhan Jesus nasailaon
Ndang dibaloshon Ho, Tuhanku Tu au hombar tu dosangki
Sai dipalambas Ho rohaMu Marnida pangalahongki

5.   Dibahen i antong hupuji Denggan basaM sadari on
Ai pineakkon rujiruji I do na dapot sai tongtong
O Jesus na marholong roha Ingkon hupuji goarMi
Dibaen saluhut denggan basa Tu ahu pinasahatMi

6.   Antong asi rohaM dongani Ma au tongtong tu jolo on
Pasahat ma au musengani Tu surgo dung tos hosangkon
Na olo do au mangihuthon HataM asal mangolu au
Naeng las rohangku pararathon BaritaMi lam tu na dao.

65.  PATIMBUL BE MA SANGAP.

1.   Majumpang taon imbaru on Di au dibahen Jesus
Dibaen rohaNa di au on BasaNa dipatulus
Ibana do manogu au Saluhut jea dipadao Mambaen las ni rohangku

2.   Dibahen i hupuji Ho O Jesus Debatangku
Ai ndang hea mangulon Ho Mambaen partuaonku
Rohangku panuratan ni Godang ni denggan basaMi Ai Ho do pangurupi

3.   Ipe dohot tu jolo on Ho pangasahononhon
Marjea pe portibi on Martua au dohonon
Ai las rohangku marsak pe Mangolu au lao mate pe Ho do hatuaonku

4.   Di Ama, di AnakNa pe Di Tondi Parbadia
Ma hasangapon sasude Ho jolma manisia
Tolopi ma pamujingkon Haposi ma haposankon Ai sai tongtong rohana.

66. DEBATA BAEN DONGANMI.

1.   Debata baen donganmi, lao mangula ulaonmu.
Baen Ibana haposanmu sai paserep rohami
Debata baen donganmi Debata baen donganmi

2.   Debata baen donganmi molo Debata donganmu
Ndang tarbahen ho be lilu sai ture do langkami
Debata baen donganmi Debata baen donganmi

3.   Debata baen donganmi sai na saut do ulaonmu,
Sai na tulus do sangkapmu jala sonang rohami
Debata baen donganmi Debata baen donganmi

67.  TAPUJI MA TUHANTA.

1.   Hamu ale donganku Sai tiru ma hatangku
Mamuji Debatanta Na pangoluhon hita

2.   Sai songon na mardalanTabolus angka taon
Disi dope hosanta Diudut Debatanta.

3.   Ai songon inaina Manjaga anakkonna
Laos songon i Tuhanta Dijaga do hosanta

4.   Tutu do Tuhannami Ndang haramotan hami
Satongkin tondinami Nang pe pamatangnami

5.   Pinuji ma goarMu Dibahen sude basaMu
Manatap na hasea Di hami na marjea

6.   Asi rohaM o Tuhan Tangihon pangidoan
Na hupasahat hami Tu Ho o Tuhannami

7.   Ramoti hosanami Ro di pamatangnami
Padao ma parsahiton Nang jea pe o Tuhan

8.   Tumpahi na niula Di hauma nang di huta
Pasingkop bohalnami Mangudut ngolunami

9.   Sai dohot na ummarga Sian saluhut arta
Tu hami ma tumpakkon I ma TondiM o Tuhan

10.           Togihon hami sahat Tu hangoluan sogot
Tumean hasonangan Na di banuaginjang.

68. IHUTHON AU SUDE HAMU

1.   Masilelean angka taon Ro di ujungna sogot
O Jesus lehon parrohaon Na naeng tongtong marningot
Di halalao ni aringki Huhut manimbang ujung ni

2.   Diudut Ho hosangki Paidaida ahu
Manang adong parbue ni Na niulam di ahu
Hape jotjot tarhirim Ho Parbue i ndang olo ro

3.   Ra naung tarrimas Debata Marnida pambaenanku
Ra naung didok Tinaba ma Hau on na so dihangku
Ndang olo marparbue i Tu aha be hasea i

4.   Alai na niondihonMi do au, umbaen mangolu .
Ho do mandok tu Ama i sai loas ma mangolu.
Hau on, asi ma rohami, taon I pe talu uhumMi.

5.   O Jesus sai urupi au, di taon na ro mamboan.
Parbue angka na sai tau padaohon hamagoan.
Sai pargogoi ma au tongtong pasangap Ho di ngolungkon.

69. UNGKAP BAHAL NA UMMULI.

1.   Jesus sai urupi hami Dohot di taon baru on
Paimbaru gogonami Mangihuthon Ho tongtong
Pasupasu ma muse Na porsea sasude

2.   Pingkiranku ulaonku Tau pasangap Ho ma i
Dungo manang modom ahu Ho tongtong di lambungki
Nang lao ruar msuk pe Ho ma donganki muse

3.   Taon parasinirohaon Baen di au sandok taon on
Lam pahot ma hasesaan Ni dosangku di au on
Holan Ho do Jesuski Tuk pasaehon dosangki

4.   Sai apuli ma rohangku Dohot holong ni rohaM
Jala jalo tangiangku Ala denggan ni basaM
Jea sasude padao Asa unang marsak au

5.   Sai pagomos ma rohangku Manundalhon dosa i
Lam paganda ma ringgashu Mangulahon patikMi
Asa unang rohangkon lalap di portibi on.

6.   Sai ramoti au Tuhanku Sipat taon na’mbaru on
Usung ahu di tanganMu Molo suda bohalhon
Asa las rohangku lao Ia ro panjouM di au.

70.  NAUNG SALPU TAON NA BURUK I.

1.   Naung salpu taon na buruk i, Ho ma hupuji Tuhanki
Ai diramoti Ho tongtong tondingku dohot dagingkon
Ai diramoti Ho tongtong tondingku dohot dagingkon

2.   O Jesus sai asi rohaM, paian denggan ni basaM
Muse di taon na’mbaru on di nasa huriaM tongtong
Muse di taon na’mbaru on di nasa huriaM tongtong

3.   Sai tong paian hataMi Na mangapuli roha i
Alai pangago sasude Padao ma sian hami be
Alai pangago sasude Padao ma sian hami be

4.   Sai unang jujur dosa i Binaen di taon na salpu i
Urasi hami sasude Asi rohaM di hami be
Urasi hami sasude Asi rohaM di hami be

5.   Urupi hami mangoloi PatikMu jala pargogo
Lao manundalhon dosa i Nang nasa jat ni rohangki
Lao manundalhon dosa i Nang nasa jat ni rohangki

6.   Lam jonok taiti hami on Tu hangoluan na tongtong
Pahot ma di huriaMi Jambarna na sumurung i
Pahot ma di huriaMi Jambarna na sumurung i

71.  BEHA MA PANJALONGKU.

1.   O Raja na sumrung O Jesus Tuhanki
Na so hea marujung Do harajaonMi
Pasangap ma goarMu Di hasiangan on
Paro ha rajaonMu Di atas tano on.

2.   Parroha sian purba Na ro sumomba Ho
Diboan siluana Lao pasangaphon Ho
Diida do bintangmu Na marsinondang i
Paboa nunga tubu Ho Sipalua i

3.   Ho do marhasangapon Hian o Tuhanki
Alai di hamoraon Ndang ringkot rohaMi
Ndang ro Ho manjalahi Ugasan tano on
Na porsuk do ditaoni Ho di portibi on

4.   Laos tong do Ho marsangap Huhut na songkal pe
BasaM do na gumortap nang hatigoranMi
Sude na burju roha Do diramoti Ho
Alai na jungkat roha Sai aloonMu do

5.   Asi rohaM di ahu Pamasuk ma au on
Tu na nirajaanMu Pasonang au tongtong
Sude na tau pangago Pabali sian au
Ai naeng tigot tu surgo Tongtong mardalan au.

6.   Lopokkon tu rohangku HataM na sintong i
Patiur ma rohangku Marhite bintangMi
Ho ingkon oloanku Rap dohot dongan i
Tongtong do Ho Rajangku Nuaeng nang sogot pe.

72.  UNGKAP BAHAL NA UMMULI.

1.   Hehe ma hamu parbegu asa tung tiur hamu
Ai naung binsar di ginjangMu Do panondang di hamu
Haholomonmuna i Disondangi Jesus i.

2.   Na buni do nasailaon Sangkap ni Tuhanta i
Ndang diboto hajolmaon dalan hangoluan i
Tung na lilu do sude Di pardalananna be

3.   Salpu do nuaeng bornginna binsar do panondang i
Nunga ro hatoranganna Tu saluhut jolma i
Sai malua ma hamu Sian haholomommu

4.   Jesus sondang ni tondingku Na patiur sasude
Sai palua ma rohangku Sian dosa sasude
Taiti dohot rohangkon Tu na tiur i tongtong

5.   HapapatarMi Tuhanku Ingkon manondangi au
Asa tong sonang rohangku Nang pe di na mate au
Manang aha pe na ro Hasonanganki do Ho

6.   Togu au ale Tuhanku Sahat tu ingananMi
Asa sogot idaonku Ho di hasangaponMi
Pujionku Ho disi Salelenglelengna i.

73.  NDANG TADINGKONONKU HO.

1.   Bintang ni si Jakob i Pinarbaga ni Jahowa
Na ringkot do rohangki Pasangaphon Ho paboa
Na huhaholongi Ho Na dung sian surgo ro.

2.   Sere naeng hulehon do I ma haporseaonku
Ai naung dilopokkon Ho I tu au baen ugasanku
Sai polin ma serengki Nang di haporsuhon i.

3.   Timus ni haminjon i Na manaek tu habangsaMu
Tangiangku nama i Na huboan tu joloMu
Sai pasiat hatangki Na mamuji goarMi

4.   Dohot mir huboan do I ma arsak ni rohangku
Ala huarsahi Ho Dohot godang ni dosangku
Sesa nasa dosangki Jala jalo sombangki

74.  SAI MARLASNIROHA HITA

1.   Sai marlasni roha hita Ale dongan Kristen i
Sai tapuji ma Tuhanta Napasaehon dosa i
Ditogihon Jesus i Hita huria i
Naung dijangkon Debatanta hita on baen anakkonNa.

2.   Tuhan Jesus do Rajanta Na manggomgom sasude
Niramotan ni tanganNa Do luhut parhosa pe
Molo lao hatana i Ndang tarbaen so saut be i
Sai na tulus do nidokNa Di saluhut manisia.

3.   O Hamu ale pardosa Molo naeng sonang hamu
Sai tangihon ma soara Ni Tuhanta i burju
Sai pauba rohamu Jangkon Jesus i tutu
Asa saut paluaonNa Tondimuna sian dosa

4.   Nunga ro na mangapuli Roha ni parbegu i
Sahat do nuaeng na uli Tu na olo unduk di
Tuhan Jesus Raja i Naung ro sian surgo i
Sai tapuji ma Ibana Jala taoloi hataNa.

75.  O TONDI PARBADIA I, BONGOTI.

1.   Naung binsar do panondangi Na mangatasi sasude Na olo marsinondang
Sondangan ni do sasude Na di na holom i dope Malungun di na torang
Jesus tulus Ma sangkapMu Sondanganmu nasa jolma asa unduk di Debata.

2.   Ho do mangapul rohangkon O Raja ni portibi on Saleleng au mangolu
Sai Ho ma parjambaranki Ndang olo au lohotan ni Sude na olo salpu
Tu Ho ro do Au na lea na porsea di hataMu Mangidohon panumpakMu

3.   Tung ise pasonangkon au? Manang tu dia pe au lao Sasada Ho huboto
Pangkilalahon holong ni RohaM di au na bojok i Na pogos jala oto
Unang laos Au be lilu hiniphopMu do tondingku Ingkon Ho do tioponku.

4.   Las do rohangku mida Ho O Jesus Kristus na dung ro Mamboan hangoluan
Naeng pujionku Ho tongtong Saleleng au di tano on Nang di banua ginjang
Sangap, sangap Di goarMu Ho Rajangku huendehon HamuliaonMu, Tuhan

76.  SADA NAMA SANGKAP.

1.   Sada nama sangkap ni rohangku di sandok portibi on.
Ndang tagamon na so las rohangku, molo jumpang au inon.
Naeng ma sai ingoton ni rohangku, na binaen ni Jesus tu tondingku.
Uju pinorsanNa i, saluhutna dosangki..

2.   Ingkon sai Ibana ingotonku, uju na tarpajal i.
Tu hau pinarsilang ginantungkon, sai mabaor mudarNa i.
Ai humophop au ditaon uasNa, asa dohot au muse upaNa.
Ai ditatap do au on, di pandokNa: “Nunga sun !”

3.   O Jesusku sai paingot ahu Di dosangku di basaM
Ai andorang di na holom ahu Dipalambas Ho rohaM
Nunga leleng dilului Ho do Au na lilu asa unang mago
Ditaon Ho na bernit i Lao manobus tondingki

4.   Gok di Ho ma au ale Tuhanku Jala Ho ma jambarhi
Dok ma amen rongkom ma goarMu
Tu bagasan rohangki Lomo ni rohaM ma sungkunonku
Di sude na naeng ulahononku Olo I ma padanki Tu Ho Jesus Tuhanki

77.  HAMU SALUHUT HALAK.

1.   Hamu saluhut halak, ro ma hamu manatap, hangoluanmu on.
Na gantung di parsilang tumahan hamatean, naeng ingotonmu i tongtong

2.   Patangkas ma luhutna Sap mudar do dagingna Sai hir hodokna i
Buas huhut hosana Hinorhon ni bernitna Modar sude dagingna i

3.   Aha do manginona Tu Ho Silehon tua Di hajolmaon i ?
So dung hea mardosa Ho doshon hami jolma Ndang dung dibaen Ho dosa i.

4.   Au on ro di dosangku Na so tardok rohangku Dibaen godangna i
I do na pinorsanMu Disi ale Tuhanku Marsipal Ho binaen ni i

5.   Sandok mauliate do au di Ho naung mate, lao pangoluhon au
Sai tong parrohaonku na busuk bunuonku, tu Ho sambing marguru au.

6.   IluiluM o Jesus MudarMu pe na durus Nang angguhanggukmi
I ma parhiteanku Di na lao tos hosangku Manopot hasonangan i.

78.  O’ ULU NA SAP MUDAR.

1.   O ulu na sap mudar Binaen ni bugangMi, Na sian jangarjangar Sisungsang duri i
O ulu hatongamon Hian do tumpalMi, Ditaon Ho haleaon Ho naeng sombaonki?

2.   O bohi parsinondang Na sangap situtu, Beasa tung marlangan Sap ijur hurumMu ?
Tung aha ma alana Umbaen homur mataM ?   Na mintop do sondangna Di na lao tos hosaM.

3.   Au on tama o Tuhan, manaon na tinaonMi. Dosangku di diporsan Ho na tarsilang i
Sai tatap ale Tuhan, au na dijoloMon. Huhut sai patuduhon, basaM tu rohangkon.

4.   Ai Ho do Siparmahan, au pinarmahanMi. Sai Ho do haroroan ni hatuaonki
Sai Ho do haolhaolonku, marningot bugangMi Sai Ho do tioponku, marningot mudarMi.

5.   Las situtu rohangku Huhut mansai sonang. Marningot pangkophopMu Di ahu nahinan
Ndang be huhabiari Nuaning dosangki, Tung mate au saonari Martua au disi.

6.   Mandok mauliate Do rohangkon nuaeng, Di Ho nang olo mate Ai sonang au dibaen
MudarMu i na durus Nang angguhanggukMi,  Sai jalo au , o Jesus Dihamamatengki .

7.   Di na tadingkononku Sude di tano on, Disi ale Tuhanku Dapothon ma au on
Di na ponjot rohangku Manostos hosangki, Sai jangkon ma tondingku Marhite mudarMi

8.   Ho ma pangondinganku Siapul rohangki, Di na lao tos hosangku Di hamamatengki
Disi ma ingotonku Sude na tinaonMi, Na timbul do tuangku Lao mate songon i.

79.  DI NA PONJOT ROHANGKU.

1.   Di na ponjot rohangku Binaen ni dosangki Paingot au Tuhanku Di hamamateMi
Di hau na pinarsilang i Digarar Ho utangku Marhite mudarMi.

2.   Tama longang rohangku, mamingkir hata on. PanghophopMi Tuhanku, Di au pardosa on.
Ai hosa ni AnakNa i, dilehon Debatangku, tumobus tondingki.

3.   Tung aha panginona Ni dosangki di au ? Ai asi ni rohaNa Do paluahon au
Dibaen naung mate Jesuski Ndang be habiaranku Banua toru i

4.   Antong sai pujionku Do Ho o Jesuski Marningot na tinaonMu Do hamamateMi
Marningot angguhanggukMi Ro di sude na bernit Na tinaonMi disi

5.   Laos i ma pajujuhon Rohangku sai tongtong Manggotap hajahaton
Sian rohangkinon Unang huhalupahon be HalojaonMu Tuhan Nang tung satongkin pe.

6.   Urupi au o Tuhan Tumaon di tano on Saluhut parsorion Na songgop tu au on
Ho ma hutiru sai tongtong Manaoni na so uhum na di portibi on.

7.   Sai naeng ma tiruonku, pambaenanMi di au tu sasude donganku,
Jesus urupi au Manghaholongi donganki, unang tung marpambuat nang marpangansi pe

8.   Sai sonang ma rohangku Binaen ni bugangMi Di na lao tos hosangku, Marningot mudarMi Pos ma rohangku baenon ni PamasuhonMu ahu Marnida bohiMi.

80. MAUAS JESUS.

1.   Mauas Jesus atik pe Ibana Mual hangoluan i hian
Ingkon tahanonNa do uasNa Di hau pinarsilang nahinan.

2.   Holong ni rohaM o Tuhan Jesus Ise na tuk mandodo i ?
ParungkilonMi do na manobus au na mago ala dosa i.

3.   Aha Jesus hinauashonMu Uju songon i marsipal Ho ?
O, huboto na hinophopanMu Au ro di saluhut jolma do

4.   Tung tarbaen au jongjong di lambungMu Majal jala mingguk rohangki ?
Dao ma i Sai naeng parsitaonku Ho, o Jesus hatuaonki.

5.   Dohot do au mauas Tung leleng do Hulului hasonangan i
Loja au, andorang so huboto Ho sambing o Jesus mual ni.

6.   Sai asi rohaM di au Tuhanku Sai sombu ma bahen uashi.
Buri au ale, dohot mudarMu asa tong mangolu tondingki

81.  JESUS MUAL NI NGOLUNGKU.

1.   Jesus mual ni ngolungku, Sipangolu tondingki Ai dibunu Ho musungku, ima hamatean i.
Ho manaoni hamagoan, patupahon hangoluan Alani hupuji Ho, tung marribu hali do.

2.   Haleaon, insakhinsak, reherehe, tijur pe Tali dohot pastappastap, tung ditaonhon Ho sude
Paluahon au na pogos, sian tangan ni sibolis Alani hupuji Ho, tung marribu hali do.

3.   Bugang sada tanggurungmu Di na hona linsing i Hamamalum ni bugangku Na di rohangki do i
Ho do gabe binuraan Au dapotan hangoluan Ala ni hupuji Ho Tung marribu hali do

4.   Sungsang duri ditumpalhon Panginsahi i tu Ho Jala tolong dilibashon Tu uluM, pasiak Ho.
I ditaonhon Ho, Tuhanku. Ala ni hajungkatonku. Ala ni hupuji Ho Tung marribu hali do.

5.   Tung tanganMu dohot patMu Ditorusi labang i Jadi tiris ma mudarMu Sian hau parsilang i,
I do mual paridian Di au jolma na hansitan. Ala ni hupuji Ho Tung marribu hali do.

6.   Sai pinuji ma GoarMu Ala ni na bernit i Dohot ala ni mudarMu Jesus na nilehonMi
Lao pasaehon dosanami Asa unang mago hami Ho hupuji ala ni Salelenglelengna i.

82. O JESUSKU TU BUGANGMU.

1.   O Jesusku, tu bugangMu, ro marsomba rohangkon.
Sai tarpuji, sai tarpuji, na pamalum tondingkon.

2.   Tung di patMu, o Jesusku, solsolanku rohangki.
Tangisanku na tinaonMu, ala jat ni rohangki.

3.   Tu tanganMu ma tondingku, jumpa hamamatengki.
Tu lambungMu, o Tuhanku, alap na tinobusMi.

83. NA LAO DO BIRUBIRU I.

1.   Na lao do Birubiru i Mamorsan angka dosa
Ni nasa hajolmaon i Di benget ni rohana
Diporsan do sahitta i Di lehon do DiriNa i
Tu tangan ni pamunu Ditaoni do na bernit i
Ro di na tos hosaNa i Didok : Naeng porsanonku.

2.   Ianggo Birubiru i , Ima alealengku
Na paluahon tondingki Disuru Debatangku
Didok mandok AnakNa i Sai topot ma pardosa i
Naung sun tinoruanku Balga tutu do rimashi
Alai tarbaen do mombun i Horhonon ni mudarMu

3.   “Na olo au, ale Amang . Sian sandok rohangku
Pasauthon lomo ni rohaM, RohaM sambing do guru”
O holong ni rohaNa i Tung aha do tudosanmi
Na songon ho margogo ? Dilehon Debata hape
AnakNa lao manaon sude Sitaonon ni na mago

4.   Saleleng na mangolu au, naeng ingotonku Jesus.
Sude na binaenMi di au, hataM naeng hupatulus.
Ho naeng haholonganku do , huhut ihuthononku Ho
Di dalan hangoluan. Tung ingkon Ho, nampuna ahu,
Mangolu manang mate au. Sai Ho do tioponku

5.   O Tuhan hinauliMi Sai naeng endehononku
Diringku ma peleanMi Na naeng seahononku
O Jesus jalo ma au on Pasiat ma pamujingkon
Baen sangap di goarMu Pasahat au tu surgo i
Marhitehite mudarMi Baen intan di tumpalMu.

84. AUT NA GINORGA TU ROHANGKU.

1.   Aut na ginorga tu rohangku, bohiM di na lao mate Ho
Aut na huingot o Tuhanku, tongtong pangkophopMi di au
Ai Ho do paluahon ahu, dosangku do pinorsanMi
Didaoni Ho parsahitonku, martua au binahen ni i.

2.   Sai jalo ma’au ale Tuhanku. Baen upa ni na tinaonMi.
Sai naeng ingoton ni rohangku, tung sasude na binaenMi.
Humophop au pardosa godang, dibahen holong ni rohaM.
Hinorhon ni tarbaen au sonang, laho mandapothon banuaM

3.   Mauliate ma rohangku, di Ho o Jesus Tuhanki
Ho naeng tongtong haholonganku Marningot denggan basaMi
Antong sai tiop ma tanganku, manogu au tu lambungMi
Dijalo Ho do tangiangku, sai pos do rohangki di si.

85.  SAI INGOTON NI ROHANGKU.

1.   Sai ingoton ni rohangku,
Hansit naung di taon Tuhanku, Uju i di Golgata.

2.   Na so dung adong salaNa,
Gabe ampe tu Ibana, dosa ni portibi on.

3.   Tung so dapot huhatahon
Haporsuhon na ditaonhon Holan ala dosangki

4.   Ingkon Ho sai oloanku,
Sipangolu au Tuhanku, sian nasa rohangkon.

86. SILANG NA BADIA.

1.   Silang na badia i Ho do lombulombungki
Maralohon dosa i Dohot pandelean i
Di sude sitaonon i Ho ma lombulombungki

2.   Nasa na huula i Ndang tau hasonanganki
Nang ringkot pe rohangki Pola ro nang ilungki
Holan asi ni rohaM Pangurupi o, Tuhan

3.   Ro do au nuaeng tu ho, sai palambas ma rohaM.
Nunga pola mate Ho, ala asi ni rohaM
Jangkon au na dangol on, sai ulosi tondingkon.

4.   Dosa patundukkon au, ho ma mangondihon au.
Ramun situtu do au, mudarMi mamuri au,
Na pogos, Dangol au on. Ho ma artangki tongtong.

5.   Silang na badia i Ho do lombulombungki
Molo puas hodokki Di na suda bohalhi
Di sude sitaonon i Ho ma lombulombungki.

87.  JESUS KRISTUS DO MANOBUS.

1.   Ho tinobus ni Tuhanmu Tung jonok do debataM Sai pasada pingkiranmu
Asa tong tutu sabam Sai pabulus Tu Tuhanmu ma roham

2.   Sai timbangi di rohamu PangkophopNa i sude Ai tung ala ni dosamu
Do tarsilang Tuhanmi Baen malua baen martua Hita na tarjea i.

3.   Haberengan ho Tuhanmu Di hau pinarsilang i ? So uhir tu pingkiranmu
Hansit na tinaonNa i ? Sai tohoi sai oloi Holong ni rohaNa i.

4.   Naeng bagas arsakkononmu Sasudena dosami Asa hangoluhononmu
Na tinaon ni Tuhanmi Sai ringkoti manopoti Nasa hadosaonMi.

5.   Mangasahon na tinaonMu Tundalanku dosangki Sai pasonggop pangkophopMu
Tu sude pingkiranki Naeng tondingku nang dagingku Upa ni na tinaonMi.

6.   Na so tupa datdatanku Mangulahon dosa i Na so jadi arsahanku
Ho Parngolu, Tuhanki. Sai tarhilas ma rohamu Mida au hinophopMi.

7.   Nang dokdok pe siporsanon Mian au di lambungMi Habengeton, hatomanon
Disahaphon silangMi Ho rajangku Ho Tuhanku Ro di hamamatengki.

8.   Pangkophopon ni Tuhanku Na tongtong hutiop i Holan pasaut langkangku
Masuk hasangapon i Lao martomu lao mardomu Tu Tuhanku Jesus i.

88. DI SURGO DO ALEALENTA.

1.   Jesusku naung manobus ahu sai naeng haholonganku Ho
Tu dolok Golgata Ho laho Nionjar ni holongMu do
Hupuji nasa asiMi Alai gumodang holongMi

2.   Tarsolsolbagi do rohangku Paidaida dangolMi
Marningot sasude dosangku Ai i do na tinaonMi
Hupuji nasa asiMi Alai gumodang holongMi

3.   Jotjotna i husoadahon Ho, Sipangolu tondingkon
Mabiar lao mangkatindangkon Ho na mangkophop au tongon
Hupuji nasa asiMi Alai gumodang holongMi

4.   Bagas uhirhon tu rohangku PangkophopMi humophop au
Tusi ma togu pingkiranku Guru di Ho sambing ma ahu
Hupuji nasa asiMi Alai gumodang holongMi

89. ATE DI DIA SOROPMI.

1.   Ate di dia soropMi Nuaeng, o hamatean ?
Di dia hamonanganmi Nuaeng banuatoru ?
Na talu do hamu sude Na talu do sibolis pe Ai ditaluhon Jesus

2.   Nang pe manggogo ulok i Mangalo ulubalang
Laos talu do tongamna i Dibaen na somal monang.
Tambihul ni diturbing pe. Laos so tarbaensa monang be Tarlisat do uluna.

3.   Mangolu do naung mate i Hurungan dilohahon
Dirante do musuna i Tabanna diarahon. Tung ise na mangate be
Mangalo ulubalang i Na so tarbaen so monang ?

4.   Mangolu do Tuhanta i Na hehe do Ibana
Ditaiti do ruasNa i Mangihut tu Ibana
Ndang tinggal di tanoman i Saluhut na porsea i Di hata ni Tuhanta.

5.   Ai manang ise na burju Paubahon rohana
Na mangalehon situtu Di Jesus i rohana
I do dongan ni Jesus i Tumean hangoluan i Saleleng ni lelengna.

6.   Marlas ni roha hita on Di ari haheheon
Ai tua nang di tano on Di surgo pe dilehon.
Dison tahirim i dope Disi pe idaonta be Suman tu Jesus hita.

7.   O hamatean talu ma. Sai talu ho sibolis.
Banuatoru talu ma. Ai i do naung tartulis.
Tapuji Debatanta i Dibaen hamonanganta i Marhite Tuhan Jesus.

90. SAI MARLAS NI ROHA HITA.

1.   Sai tapuji Debatanta Ale hajolmaon i
Ai naung hehe do Tuhanta Sian hamatean i
Dipasidung Jesus i UlaonNa sasude
Patupahon haluaon Di saluhut hajolmaon.

2.   Anggo utang ni dosangku Digarari Jesus i
I do haporseaonku Di na tinaonNa i
Nunga tulus patik i Nunga mintop rimas i
Di na hehe i Ibana Ro di au hangoluanNa

3.   Ia ho banuatoru Nunga harhar talimi
Ai dung hehe na gumogo Loha do hurunganmi
Surgo i tarungkap do Dung ditaban Jesus ho
Gabe tu hangoluanna Diarahon do donganna.

4.   Dohot ho, o hamatean Nunga mago soropmi
Suruhonku pe udean Ndang na tinggal au disi
“Anggo au mangolu do Sai mangolu dohot ho !”
Ninna Jesus tu rohangku Molo ro hamateanku.

5.   On tongtong di halashon Nunga hehe Jesuski
Dohot ma hamu donganku Angka na tinobus i
Sai tapuji Debata Sai tadok Haleluya
Na mangolu do Tuhanta Ala ni sai las rohanta.

91.  HATUAON DO.

1.   Hatuaon do Las ni roha do Hangongot ni Tuhanta i
Mago do hita Ngot ma Tuhanta Las be, las be ma rohanta i.
Mago do hita Ngot ma Tuhanta Las be, las be ma rohanta i.

2.   Hatuaon do Las ni roha do Hangongot ni Tuhanta i
Monang do Jesus Talu sibolis Las be, las be ma rohanta i.
Monang do Jesus Talu sibolis Las be, las be ma rohanta i.

3.   Hatuaon do Las ni roha do Hangongot ni Tuhanta i
Mungkap do dalan Tu hangoluan Las be, las be ma rohanta i.
Mungkap do dalan Tu hangoluan Las be, las be ma rohanta i.

4.   Hatuaon do Las ni roha do Hangongot ni Tuhanta i
I ma gogonta Dompak dosanta Las be, las be ma rohanta i.
I ma gogonta Dompak dosanta Las be, las be ma rohanta i.

5.   Hatuaon do Las ni roha do Hangongot ni Tuhanta i
Monang ma hita Jumpa ajalta Las be, las be ma rohanta i.
Monang ma hita Jumpa ajalta Las be, las be ma rohanta i.

92. PUJI MA NA MANALUHON.

1.   Puji ma na manaluhon Dosa hamatean i
Puji ma na pangoluhon Saluhut pardosa i
Jesus na dung mate i Las roham o huriaNa
Ala na mamillit ho, Jesus i mangolu do

2.   Tole hita mangendehon Halalas ni roha i
Dohot marolopolophon Sangap ni na monang i
Na tongtong mangolu i Tole hita mangendehon
Halalas ni roha i Di parngolu Jesus i.

3.   I do las ni rohanami Lao mamujimuji Ho
Ndang be sitoruan hami Ala na dung mate Ho
Dungkon ni mangolu Ho Nunga ringan tondinami
Sian hangoluanmi Ala hamonanganmi

4.   Uju i di na manogot Di na buha siang i
Mijur do surusuruan Laho tu tanomanMi
Dung diungkap batu i Dipahundul ma ibana
Paboahon di na ro Ndang be dibagasan Ho

5.   Tu tanoman si Maria Paturehon bangkeMi
Tung beha ma di rohana Dung dibege hataMi ?
Dohot mangalusi i? Au pe idaonku sogot
Ho di hasangaponMi Ho, o Jesus, Tuhanki.

6.   Molo hehe pamatangku Molo pinasangap au
Idaonku Debatangku Jesus Sipangolu au
Suman tu Ibana au Molo hehe pamatangku
Jadi ngolungolumi Gabe hangoluanki.

7.   Ala ni sai las rohangku Nang pardagang au dope
Ho tinatap ni matangku Atik pe na dao dope
Mian do TondiM di au Asa tong togu rohangku
Mangeahi surgoMi Paima sahat au tusi.

93. PESTA PASKA HATUAON.

1.   Pesta Paska hatuaon Pesta Paska haluaon Sian hamatean i. Sian hamatean i
Tuhan Jesus do pasuang hangoluan, hasonangan Tu saluhut jolma i.

2.   Talu ho banuatoru Ndang tarbahen tiopanmu Raja Siparngolu i Raja Siparngolu i
Hamatean, hamagoan Na so pola habiaran Nunga talu i sude

3.   Tuhan Jesus do na monang Tuhan Jesus do pasuang Las ni roha dame pe Las ni roha dame pe
Dongan golom ma hataNa Na porsea di Ibana Ndang tarbahen mago be.

4.   Sai tapuji ma Tuhanta Na pabongot tu rohanta Roha pangkirimon i Roha pangkirimon i
Ia mate pe donganta Sogot ingkon idaonta Saluhut di surgo i

94. ALE TONDINGKU NAUNG HEHE.

1.   Ale tondingku naung hehe Tuhanmu Nunga ditaban do banuatoru
Las ma roham ai martua ma ho Rap dohot Jesus mangolu ma ho
Rap dohot Jesus mangolu ma ho

2.   Talu sibolis dibahen Tuhanta Nang hamatean nang dosa sudena
Sai dihalashon rohanta ma i PangoluonNa do hita sude PangoluonNa do hita sude

3.   Tahaburjuhon mangalo dosanta Jala tabaen Tuhan Jesus donganta
Pos ma rohanta di Tuhanta i PamonangonNa do hita sude PamonangonNa do hita sude

95.  NGOT MA HO DIJOU SOARA.

1.   Haleluya taendehon Nuaeng di ari haheheon Tuhanta Siparmonang i
Ai malua do Ibana Haruar sian tanomanna Na talu hamatean i.
Sun ulaonNa i Dibaen Tuhanta i Haleluya
Naung sahat di Tuhanta i UpaNa na sumurung i.

2.   Tongam di parungkilonNa Dipangke Jesus i gogoNa Mangalo sipangago i
Hita naung pinarhatoban Ni setan dapot haluaan Dibaen hamonanganNa i
Naung sae utangta i Digarar Jesus i Haleluya
Di Tuhan i rohanta i Saleleng ni lelengna i.

3.   Na so pola habiaran Ni hita on be hamatean Ai hita pe sai hehe do
Molo burju taihuthon Tuhanta i di parungkilon Sai ingkon tu lambungNa ro
Diboan Jesus i Do hita on muse Tu lambungNa Parmonang i
Sai saut ma i Binaen ni hagogoonMi.

4.   Ale ari haheheon Beha ulaning hilalaon Ni rohangkon di tingkimi ?
Ndang hapalang las ni roha Di hasohot ni na roa Ro di sude na hansit i
O Jesus togu ma BangsoM tu Debata Tu na sonang
O Rajangki naung hehe i Pasahat au tu lambungMi

96. NUNGA TALU HAMATEAN.

1.   Nunga talu hamatean Dibaen Tuhan Jesus i
Ai na hehe do Ibana Songon na nidokNa i
Haleluya, haleluya Nunga hehe Jesus i
Haleluya, haleluya Nunga hehe Jesus i

2.   Ia angka boruboru Lao do tu tanoman i
Ndang disi be Tuhan Jesus Nunga hehe sian i
Haleluya, haleluya Nunga hehe Jesus i
Haleluya, haleluya Nunga hehe Jesus i

3.   Marlasroha be ma hita Ala hehe Jesus i
Ai malua sude hita Sian hamagoan i.
Haleluya, haleluya Nunga hehe Jesus i
Haleluya, haleluya Nunga hehe Jesus i

4.   Sai tapuji ma Tuhanta Na marholongroha i
Tapasangap ma Ibana Na marasiroha i
Haleluya, haleluya Nunga hehe Jesus i
Haleluya, haleluya Nunga hehe Jesus i.

97.  PATIMBUL BE MA SANGAP.

1.   Ingoton ma sadari on Panaek ni Tuhan Jesus
Tu habangsaNa na tongtong Na so tarbaen be meret
Tasomba ma Tuhanta i Naung mulak tu Amana i Tapuji ma Ibana

2.   Ai nunga mungkap dalan i Di angka na porsea
Lao mamongoti surgo i Malua sian jea
Naung mangonai tu sasude Na mangulahon dosa i Pinuji ma Tuhanta.

3.   Ianggo las roham tutu Di Jesus i Tuhanta
Pauba ma roham burju Ihuthon ma Ibana Oloi hataNa sasude
Sai tiru pambaenanNa pe saleleng ho mangolu

4.   Ai mulak do Tuhanta i Di ari paruhuman
Sai dabuonNa do disi Sude parhajahaton
Tu api na so mintop i Alai haholonganNa i Tu surgo bahenonNa.

5.   O Jesus, Tuhannami on Asi rohaM di hami.
Sai tatap hami na dison Di paraloannami
Patogu hami sasude Tumpahi hami monang be Ro di ujungna sogot

98. TUHAN DEBATA.

1.   Naung manaek do Ho Lao tu surgo do Ale Jesus Rajanami,
Ho do ihuthononnami Ho partogi i Lao tu surgo i.

2.   Maol do dalan on Togu hami on Asa tung malua hami
Sian angka musunami Na di tano on Togu hami on

3.   Suru ma TondiM Singkat ni bohiM Tu bagasan rohanami
Manogihon tondinami Lao tu surgo i Tu adopanMi.

99. O TONDI PARBADIA BONGOTI.

1.   O ulubalang na gogo Songon sadari on do Ho manaek tu hasangapon
Naung sidung do ulaonMi Na ringkot patupaonMi Humophop hajolmaon
Sabam, tongam do Ho muli tu na uli Marhabangsa Disiamun ni Jahowa.

2.   Marloksaloksa Serapim Marriburibu Kerubim Mamuji Ho na monang
Dibaen naung pinadomuMi Saluhut manisia i Tu Debata di ginjang
Puji, puji Jesus Kristus naung patulus saluhutna Tinonahon ni AmaNa.

3.   O Jesus Ho do ulu ni Luhutna na porsea i RuasMu anggo hami
Ho hangoluannami on Ho hasonangannami on Ho hagogoonnami.
Suru, togu Rohanami, asa hami mangalehon Tu Ho nasa hasangapon.

4.   Sai taiti rohanami on Urupi hami on tongtong Mangalo dosanami
Paias rohanami be Parangenami baen ture Nang pangkataionnami.
Tompa roha Na imbaru asa haru monang hami Maralohon dosanami.

5.   Pabulus langkanami be Patigor dalannami pe Lao tu banuaginjang
O Jesus tatap hami on Na so tarbaen di tano on Mardame manang sonang
Sonang, monang Di lambungMu bahenonMu hami sogot Dung tu surgo hami bongot.

100. BONGOTI MA ROHANGKU.

1.   Mardongan olopolop Manaek Tuhanta i, Jinangkon ni na torop Surusuruan i.
Antong nang hita pe Tapuji ma Tuhanta Marendeende hita Marolopolop be.

2.   Na mulak do Tuhnata Tu habangsaNa i. Tu lambung ni AmaNa Di siamunNa i.
Disomba sasude Na di banuaginjang Tuhanta i, na monang Ro sian tano i.

3.   Tatimbang ma lapangna Umbaen na songon i Ai naeng ma dohot hita Tumopot surgo i
Antong taingot ma Ianggo Tuhan Jesus Ibana do patulus Nidok ni Debata.

4.   Ditaon do hamatean Humophop hita on Pature pardalanan Na sian tano on
Manogu hita be Tu lambung ni AmaNa Disi diadopanNa Naeng sahat sasude.

5.   I pe ringgas ma hita Mangalo dosa i Manggotap roha daging Nang hajahaon pe
Tahalungunhon be Tuhanta na di ginjang Ibana do na monang I ma tatiru be.

6.   O Jesus Tuhannami Asi ma rohaMi Sai sesa dosanami Palua hami be.
Pamasuk hami on Tu hangoluan sogot Sai loas hami dohot Mamuji Ho tongtong.

101.  O DEBATA MANSAI.

1.   Taiti gogo ihut tu Ho Palungun rohanami
Tu surgo i ingananMi O Jesus Tuhannami.

2.   Togu tongtong ma hami on Di dalanMi tu surgo .
Anggo so i oloanMi Sai saut do hami mago

3.   Alai tahe suraon be So oloanMu hami
PinorsanMi do dosa i Lao paluahon hami.

4.   Dibahen i, o Jesuski Sai naeng ihuthononku
Do hataMi, nang langkaMi Saleleng au mangolu

5.   Taiti gogo ihut tu Ho au tu banua ginjang
Asa disi pujionki Denggan basaM o Tuhan.

102. O TONDI PARBADIA BONGOTI.

1.   O Tondi Parbadia i Bongoti rohanami be Ro, Sipatiur roha
O Sondang sian surgo i Sondangi rohanami be Tu halalas ni roha.
Asa masa Patupahon pinodahon ni hataMu Sai tu hami ma rohaMu.

2.   Ho do silehon roha i Di nasa na porsea i. Tumpahi rohanami.
Patogu rohanami be, Pasar hataM tu sasude Sai tong dongani hami
On pe sude Parrohaon, hatuaon lehononMu Sipujion do goarMu.

3.   Sai pargogoi ma hami on Mangihutihut hataMon Dipardalanannami
Haporseaonnami pe Tambai tung masa aha pe Na bernit taononnnami
Tatap, tatap Sude hami, rohanami pasonangkon Hajolmaon hamonangkon.

4.   Sungguli hami on sude Huhut paburju hami be Mangalo dosanami
Papir ma tondinami on Papos ma rohanami on Di paraloannami
Gohi, gohi Rohanami asa hami mambolongkon Losok dohot halembaon.

5.   Ho batu mamak na togu Na tau oahan situtu. Paojak rohanami
Tu hata hasintongan i . Tung unang olo lilu be Nang sada sian hami.
Lehon roha Na tumogu naumburju manggoari Jesus Kristus Tuhannami.

6.   Pangapul sian surgo i Songgopi rohanami be Pasaor dameM tu hami.
Pamalo hami on tongtong Mamboan roha na holong. Di angka dongannami
Dao ma bada Dohot hosom ingkon tongtong sonang hami Mandalani dalannami.

7.   Parbadiai ma hami on Huhut patogu ma tongtong Torusi rohanami.
Tanggali sian hami be Huhut pabali sasude Na tau mangago hami .
Taiti hami Tu na sonang na di ginjang sumangkaphon Hangoluan, hasangapon.

103. TUNG BEASA AU HOLSOAN.

1.   O Pangapul na lumobi , Tondi ni Tuhan i, Rohangkon bongoti
Diparbaga Tuhannami Ingkon Ho do na ro Mangajari hami.

2.   Ndang adong huboto hami Na denggan na torang Sian dirinami.
Ingkon Ho do manondangi Roha ni jolma i Jala manorangi.

3.   Ho disomba rohanami Sai asi rohaMi Paimbaru hami
Lam tangkas ma patandahon Jorbut ni dosa i Situndalhononhon

4.   Sai patorang ma tu hami Porsuk ni Jesus i Haluaonnami
Nang pntor do rohanami Binaen ni mudar ni Jesus Tuhannami.

5.   Sai paburju rohanami Roha ni sibuk i Talu baenonnnami
Asa uang sirang hami Ala ni dosa i Sian Tuhannami

6.   Molo ajalnami jumpang Togu be sasude Tu banua ginjang.
Sai tumpahi hami monang Sahat di surgo i Saluhutna sonang.

104. BONGOTI MA ROHANGKU.

1.   Bongoti ma rohangku Inganima au on
O Tondi Debatngku Pasonang rohangkon
Na marhabangsa Ho Raphon Debata Ama
Nang Jesus pe AnakNa Naeng pujionku Ho.

2.   Antong pangkilalahon Tu ahu gogoMi,
GogoM na paluahon Au sian dosangki.
Urasi rohangkon Paias ma tondingku
Ai naeng do oloanku Na nidokMi tongtong.

3.   Ndang dung marhatigoran Pardosa au hian
Ndang dung marhasonangan Na mate au hian
Di pandidion i Dibonom Ho dosangku
Tu mudar ni Tuhanku Ias au ala ni.

4.   O Tondi Sipodahon Tangiang na sintong
Ho do na tinangihon Ni Ama i tongtong.
Ajari ma au on Mandok pangidoanku
Sian sandok rohangku Tangihon hatangkon.

5.   Silehon las ni roha Palas ma rohangki
Pahehe au paboa Au niapulanMi
Jotjot ditopot Ho Angka na marsitaonon
Silehon hasonangan Tu na tungki do Ho.

6.   Usehon tu rohangku Holong ni rohaMi
Padenggan ma hatangku Tu dongan sasude
Asi rohaM padao Ma bada, halatean
Patimbul hadamean Na roa i palao.

7.   Baen gok haporseaon Ma rohanami be;
PanumpakMi gandahon Tu artanami pe.
Pabali tondi i Na olo manundati
Na olo mangarsahi RohaM na denggan i.

8.   Pagirgir rohanami Mangalo dosa i
Tambai ma gogonami Di pangunjunan i.
Dongani hami on Mangalo musunami
Sai unang olo hami Saor tu portibi on

9.   Baen pangalahonami Hombar tu rohanami;
Dung i di ajalnami Di hamatean i
Padao jorbutna i Palas ma rohanami
Tumopot jambarnami Di harajaonMi.

105.        DEBATA DO MANGGOMGOMI.

1.   Ro ma Tondi Parbadia Debatangku situtu
Rohanami ma paria mangoloi hataM burju
Sai sondangi ma tongtong Rohanami na holom.

 2. Lehon ma di rohanami Hapistaran na sintong
Asa tung huboto hami Marparange di joloM
Sian haliluon pe Sai palua hami be.

3.   Patuduhon ma di hami Dalan hangoluan i;
Paimbaru rohanami Sai padao ma dosa i
Pargogoi ma hami be Tu na denggan sasude

4.   Pabotohon ma tu hami Na hinatindangkonmi;
Anak ni Debata hami Na marhaojahan
Di Mudar niusehon ni Anak ni Debata. I

5.   Molo marsitaonon hami Jala marniae disi
Unang , Ale Tuhannami PadaoonMu bohiMi
Lehon apulapulMi Tu bagasan rohangki

6.   Di na jumpang ajalnami Pabotohon ma torang
Denggan ni basaM tu hami asa hami saut monang
Lao manjalo tumpal i Na so olo malos be.

106. ALE TUHAN AMANAMI.

1.   Ale Tuhan Amanami Na marholongroha i.
Suru TondiMi tu hami Angka na tinoguMi
Paimbaru tondingki Gabe joroMi ma i.
Sai oloi pangidoanku Sian asi ni rohaMu.

2.   Ndang adong hangoluanku Anggo so ro TondiMi
Maringanan di rohangku Jala ndang margogo i.
Patupahon hataMi Pasangaphon goarMi
Sai tongtong holom rohangku Molo so patiuronMu.

3.   Tung beha ma tandaonku Ho, o Jesus, Tuhanki ?
Tung beha ma tolopanku Ho do hangoluanki
Molo so ro TondiMi Manondangi rohangki ?
Ipe suru ma Ibana Asa saor tu au hataNa.

4.   Arta na tongtong Manahan Salelenglelengna i.
Ingkon Ho do marbasahon Jala mangalehon i
Tondi sian Debata Ala ni tangihon ma
Hata pangidoanku Sai bongoti ma rohangku.

5.   Patandahon ma tu ahu Dosa na buni dope
Angka na paholang ahu Sian Debata tahe
Asa topotanku i Tu Tuhanku Jesus i.
Jala au paluahonNa Sian dosa saluhutna.

6.   Tondi, sai ajari ahu Jala togutogu ma
Asa au marpangalaho Na badia na tama.
Sai paburju rohangkon Mangoloi hataM tongtong
Asa molo ro ajalhu Sahat tu ingananMu.

107.  O TONDI PARBADIA I, SAI MASUK.

1.   O Tondi Parbadia i Sai masuk Ho tu rohangki .
Pasaorhon asi ni rohaM Ro di sude denggan basaM
Tu au marhite sondangMi Nang pe tu jolma sasude
Ai naeng papunguonMu pe Tu Tuhan Jesus Jolma sude Haleluya, Haleluya.

2.   O Sondang na badia i Pasaor hatam tu rohangki
Tiur ma baen rohangkinon Mananda Debata tongtong.
Padao ma haliluon i Sinabur ni sibolis i;
Hubaen ma Tuhan Jesus i Sambing gurugku, ihutanki, Haleluya, Haleluya

3.   Pangapul na sumurung i. Tarapul bahen rohangki
Manaon na porsuk sai tongtong Saleleng au di tano on
Humophop goarMi tahe Sai pargogoi ma au muse
Mangalo angka musungki Ai naeng au bongot tu surgo i. Haleluya, Haleluya

108.       HATA NI JAHOWA.

1.   Baen ma gabagaba Dohot bungabunga Nang pelean i
Ai nuaeng ma jumpang Ari parningotan Pentakoste i
Haroro ni Tondi do I ma Tondi Parbadia Masuk tu Huria.

2.   Jangkon ma Ibana Ai asi rohaNa Ro tu hita on
Asa sondangonNa Tiur bahenonNa Parohaon tongtong.
Jangkon ma Ibana da Asa lao sude arsakmu Nang pardangolanmu.

3.   Tondi pangapuli Sahap na ummuli Di sisean ni Tuhan Jesus Kristus
Ro ma Ho pabulus Tongtong langkangki Di na lao tu surgo au
Pargogoi ma au pamonang Sahat tu na sonang.

109. JESUS HAMI RO DISON, ASA.

1.   Sai songgopi hami on Ale Tondi Parbadia
Sai ajari ma tongtong Hami on huhut paria
Martangiang tu Tuhanta Asa tongtong oloanNa.

2.   Tondi hasangapon i Sai ingani rohanami.
Pargogoi ma hami be Maralohon dosanami
Asa tung malua hami Sian hadosaonnami.

3.   Jolma manisia pe Sai sondangi ma luhutna
Asa olo sasude Ro tu Jesus, Sipalua
Rarat baen harajaonNa Tu saluhut manisia.

110.  HALELUYA !  PINUJI MA.

1.   Haleluya Pinuji ma Na sasadasa Debata, Sitompa saluhutna.
Ai asi ni rohaNa i GogoNa pe tongamNa i, Ingkon endehononta.

2.   Haleluya Pinuji ma Na tuat sian Debata. AnakNa sasadasa.
Na mate ala dosa i Patupa hangoluan i, Ingkon endehononta.

3.   Haleluya Pinuji ma Panondang sian Debata Sinuru tu rohanta
Pangapul na sumurng i Partogi, Pangajari i, Ingkon endehononta.

4.   Haleluya ! Di Ama i Di Anak dohot Tondi i.Pujipujiannami
Di Ho ma hasangapon i Ro di hamuliaon i Dilehon rohanami.

111.   PATIMBUL BE MA SANGAP.

1.   Patimbul be ma sangap ni Jahowa Debatanta
Dok ma mauliate i Tu Debata Amanta
Ai pardangolan i sude Nang saluhut na jorbut pe Dialo Debatanta.

2.   Tongtong sombaonnami Ho Mamuji salelengna
Dibaen na digomgomi Ho HuriaMu sudena
Na so tardodo gogoMi Sai ingkon saut do rohaMi On pe martua hami

3.   O Jesus , na sasadasa Ho Do anak ni Debata
Naung mago dipangolu Ho Diontok Ho do bada
O Jesus, Tuhannnami on Tangihon sombanami on. Asi rohaM di hami.

4.   O Tondi Parbadia i, Ramoti ma sudena .
Naung dipalua Kristus i Marhite na tinaonNa
Ambati ma sibolis i, Padao nang nasa jea i Papos ma rohanami.

112.  O TONDI PARBADIA I, BONGOTI.

1.   Haleluya Tapuji ma Amanta Tuhan Debata Dibaen denggan basaNa
Sai tong girgir ma hita be Pasangap Debatanta i Dibaen asi rohaNa
Sangap, sangap, Hagogoon, Hatoguon, hapistaran, Di Amanta na di ginjang

2.   Haleluya Di Jesus i Talehon hasangapon i, Nang pe pujipujian.
Dilehon do mudarNa i Mamuri hita sasude Parade hatigoran.
Denggan, denggan Parsaoranta tu Tuhanta, badiaNa Songgop do tu huriaNa

3.   Haleluya. Di Tondi i Na sangap, na badia i, Tadok mauliate
Aut unang saor Ibana tu Rohanta na so dung togu Luhutna do mandate.
Tua, tua Ma jambarta bahenonna salelengna Di adopan ni Debata.

4.   Haleluya Lam ganda ma Biarta mida Debata. Nang holong ni rohanta
I ma mandasdas hita on Pasangap Debata tongtong Marhite parangenta
Puji,puji Tolu hali taulahi manggandahon Tu Ibana hasangapon.

Artikel Terkait Lainnya Seputar:

-----