PAROMPUAN TANGERANG DAN CIMAHI MASITARIPARAN HOLONG
Borhat do di torang ari, rombongan Seksi Parompuan HKBP Perumnas Tangerang mangebati Seksi Parompuan HKBP Cimahi Jalan Lurah (26/2). Godangna 38 halak. Rap dohot nasida ima Pdt Hicler Sitorus Sth, pandita diperbantukan, St. Holderik Simatupang (Ketua Dewan Koinonia), St. Hotma D.L.Tobing (Ketua Dewan Diakonia) dohot St. Arifin Aritonang (Paniroi ni Ina). On ma sada program ni Seksi Parompuan HKBP se Perumnas Tangerang di taon 2012, mangulahon “kunjungan kasih”
Di parmingguon arian (pukul 10.00), rap do nasida marminggu. O Debatanghu (Ave maria) do sada ende pujipujian ni Parompuan HKBP Perumnas Tangerang. Pillit ma Hangoluan – ende ini Seksi Parompuan Cimahi Jalan Lurah. Jamita di arian i dipasahat Pdt Hicler Sitorus Sth, pandita diperbantukan HKBP Perumnas Tangerang, na dienet sian 1 Musa 9:8-17. Ia halibutongan, tanda naso ro be aek na sumar, ima tanda asini roha ni Debata tu jolmai, ninna pandita Sitorus. Haroronami dohot parsahat nami tu Cimahi Jalan Lurah on, dibagasan hahipason horas so hariboriboan, ima asi ni roha ni Tuhani tu hami, ninna muse.
Denggan do acara masitariparan holong i mardalan (nang pe ro udan di luar). Diparade do indahan arian palashon roha ni tamue. Indahan nalas dohot manuk na pinadar, ihan mas naginoreng lompanna dohot torung tauco ingkauna. Sagat do nasida manganhonsa. St. Hutabarat (Ketua Dewan Koinonia), didongani St. J. Sitorus pasahathon Selamat Datang jala manariashon las ni rohanasida diharoroni tamue sian Tangerang. Marende ma muse Parompuan Cimahi Jalan Lurah (Dayung-dayung do endena). Suang songoni do nang tamuenasida mangendehon Siri Kuning. Masileanan cendera mata do nadua punguan i. Par Tangerang dipasahat ma adong saotik sipalas roha. Rap jongjong do nasida BPH ni nadua punguani, suang songon i nang dirigen : Ny. Manik boru Hutapea (Tangerang), Ny.Sihombing boru Simangunsong (Cimahi Jl. Lurah). Diuduti muse Pdt B. Hutahaean MDiv ma hata sambutan. “Mansai las rohanami di minar ni bohimuna dohot hinatabo ni sipanganon dohot siunumon na dipasahatumuna” ninna Nai Martua – Ny. Hotma D.L.Tobing, ketua Seksi Parompuan HKBP Perumnas Tangerang. Huhut dipatandahon angka anggota ni BPH ni seksi nasida. “Las do rohanami inang dohot rombongan na ro mangulahon kunjungan gerejani. On dope hami dikunjungi tamue nami. Salelang on, hami do najotjot mangunjungi kasih tu gareja HKBP di luat na asing. Ini sangat luar biasa, kejutan bagi kami”’ ninna Ny. Ch. A Simanjuntak boru Napitupulu, ketua Seksi Parompuan HKBP Cimahi Jalan Lurah. Kami sangat bersukacita dan sangat bersyukur atas kunjungan ini, ninna Op ni si Noah Witheo Abednego on muse, mansai las jala minar bohina nasida. Mangihut ma tangiang panutup na pinasahat ni Pdt Okta R E Sirait Sth.
Dung simpul ulaon ramah tamah dohot kunjungan kasih, ditorushon rombongan Seksi Parompuan HKBP Perumnas Tangerang ma pardalanan tu Ciater, sada inganan pariwisata di Jawa Barat. Las do rohanasida, manghilala hinauli ni pemandangan alam sekitar dohot aek rangat, aek barerang na di inganan i. Godang do sian nasida maridi di aek rangat i. Sada sian sintuai mangambat angka pardalani nanaeng mamolus tu sada inganan. "Maaf, maaf dilarang lewat, ada inaina sedang marganti baju/ basahan" ninna amantai. Mauliate ma di Tuhan i, horas so hariboriboan do rombongan i sahat tu jabuna be ganup marsadasada.
Barita on ditariashon di majalah Surat Parsaoran INA (dirongkom di Tarutung) edisi Mei - Jiuni 2012. Gombaran sude ampuna ni Nan Salma boru Simamora dht Inanta Pangaribuan boru Simanjuntak (duansa nasida ruas ni Harkit)
Rombongan Seksi Parompuan HKBP Perumnas Tangerang manggombar di jolo ni HKBP Cimahi - Jl. Lurah. Holan 1 do ina par Cimahi ima na lihi (Partak), marbaju na ratarata jala martas na coklat
Rombongan di digambar muse, alai ndang apala lehet diatur. Margahargak ma deba
Digombar muse, gok engkel dohot las ni roha. alai adong do na bensut manang murhing. Bah na diinngot do ulaning hauma na bibi naung dipasuda amporik dohot sijirrit? (some burst in laughter, some murmuring. what's up? are they remembering their rice field which was eaten up by birds?)
Ha ha ha, jaga sotung peut siporhot manang. tallus tas ni inanta i. Dok ma bun cis (cheese) ninna pangkodak.
Mengkel di siamun, alai ponggol di hambirang.- St.JEB
0 komentar:
Posting Komentar